Genesis 19:1 - Ing Mayap a Balita Biblia

¹ Bengi na inyang miras la Sodoma ding aduang anghel; makalukluk ya kanita i Lot king lele na ning pasbul dalan ning siudad ning Sodoma. Tinalakad ya i Lot panakit na karela at seganan na la at migsakab ya king gabun.

Genesis 19:1 Iomraidhean Croise

Genesis 11:27

Ila deti ring lahi nang Tera. Anak na lang Tera di Abram, Nahor, at Haran. Anak neng Haran i Lot.

Genesis 13:12

Menatili ya i Abram king bansa ning Canaan samantalang migdatun ya i Lot karing siudad na ning kapatagan, at telakad na la ding tolda na siping na ning Sodoma.

Genesis 18:16

Kanita meko na la ding lalaki at minta la king metung a lugal nung nu re malyaring akit ing Sodoma. Kayabe re i Abraham; antabayanan na la.

Genesis 18:22

Minta la ding lalaki king Sodoma kabang menatili yang makatalakad i Abraham arapan na ning Ginu.

Genesis 19:10

Oneng giliut de ring aduang lalaki i Lot at linub king bale at saka re sera ing pasbul.

Genesis 19:2

Ngana karela, Nung mayapan yu, makamal, ilabas ye ing bengi king bale na ning talasuyu yu. Makapanos kayung bitis karin. Maranun yu nang isundu bukas ing pamaglakbe yu. Oneng pekibat da, Panupaya mu, Lot, keni mi na mu palabasan ing bengi.

Genesis 23:12

Dinuku ya angga king gabun i Abraham arapan da ring memalen

Genesis 48:12

Kanita leko na lang Jose king kandungan nang tata na at saka ya dinuku angga king ing lupa na tatagkil ya king gabun.

Job 29:7

Potang magpulung la ding makatua ning siudad, at munta ku king lugal ku libutad da,

Job 31:32

Makabuklat ya pasbul ing kakung tuknangan, alang maglakbe a metudtud king dalan.

Ding Dalit 69:12

Pisasabian da ku ding tau karing dalan, at pikanta-kanta ra ku ding malasing.

Lucas 17:28

Mangari munaman kanitang panaun nang Lot, mamangan la at miminum ding tau, sasali la at mamisali la, tatanam at manalakad bale.

Hebreo 13:2

E yu la kakalinguan tatanggapan ding dayuan karing pibalebale yu. Ating tinanggap karing anti kareti, at e ra balu king anghel la pala ding karelang tinggap.

Ruth 4:1

Minta ya i Boaz king pasbul dalan ning siudad, ing lugal nung nu la mititipun ding memalen. Linukluk ya karin. Linabas ya karin itang pekamalapit nang kamaganak Elimelek a abanggit nang Boaz. Inaus ne at ngana king tau, Abe, me keni saguli at lukluk ka. Linapit ya at linukluk ne man.