Genesis 18:4 - Ing Mayap a Balita Biblia

⁴ Paburen yung pagdala ra kayung danum ban wasan yu la ding bitis yu at kaybat magpaynawa kayu lalam na niting tanaman.

Genesis 18:4 Iomraidhean Croise

Genesis 18:3

Makamal, ipakisabi kung mayap king e ye sana lalagpusan ining kekayung talasuyu.

Genesis 19:2

Ngana karela, Nung mayapan yu, makamal, ilabas ye ing bengi king bale na ning talasuyu yu. Makapanos kayung bitis karin. Maranun yu nang isundu bukas ing pamaglakbe yu. Oneng pekibat da, Panupaya mu, Lot, keni mi na mu palabasan ing bengi.

Genesis 24:32

Melaus ya ing ipus kilub na ning bale. Beba ra ing kargang makasake karing kamelyu at pepadinan da lang are at dikut samantalang pigdala ra ne mang danum ba yang makapanos bitis at ding kayabe na.

Genesis 43:24

Pepaluban na la ning katiwala king bale nang Jose at saka na la pepagdalang danum ba lang makapanos bitis; peparinan na la naman pamangan ding karelang asno.

Lucas 7:44

Kanita belikdan neng Jesus ing babai at saka na sinabi kang Simon, Akakit me ing babaing ine? Dinatang ku king bale mu at e mu ku dininan danum a panos bitis, oneng ing babaing ini besa na la ding bitis ku king lua na at pepalangi na la king buak na.

1 Timoteo 5:10

at pikabaluan la king pamaniapat mayap: peparagul da la ring anak da king mayap a pamibiebie, malugud lang tatanggap karing taung makipanuknangan karing pibalebale ra, sinuyu la karing pinili na ning Dios, sinaup la karing mengailangan, at king miyayaliwang paralan dinikil da ing karelang sarili king pamaniapat mayap karing aliwa.

Ukum 19:21

Inya tiki na lang minuli ning matua at pepakan na la ding asno ra. Menos lang bitis ding bisita na at mengan la.

1 Samuel 25:41

Tinalakad ya i Abigail at dinuku ya angga king gabun. Ngana, Talasuyu na ku at makasadia kung manos karing bitis da ring talasuyu na ning kanakung panginuan.