Genesis 17:3 - Ing Mayap a Balita Biblia

³ Migsakab ya i Abram. Migsalita ya pa ing Dios at ngana,

Genesis 17:3 Iomraidhean Croise

Genesis 17:17

Migsakab ya i Abraham king gabun, oneng mipakayli ya. At nganang sinabi king lub na, Mikayanak ya pa wari ing lalaking dinalan nang banua? Makapanganak ya pa wari i Sarah a siam nang pulung banua?

Genesis 18:2

Tinalanga ya at ikit na la ding atlung lalaking makatalakad arapan na. Panakit na karela, milayi ya ibat king pasbul na ning tolda na ba na lang saganan. Dinuku ya angga king gabun at kaybat sinabi na,

1 Ari 18:39

Inyang ikit da ring tau iti, migsakab la king gabun at ngarang migsalitang masikan, Ing Ginu Dios ya; bukud mung ing Ginu ya ing Dios!

Exodo 3:6

Aku ing Dios ding makatua mu, ing Dios nang Abraham, Isaac, at Jacob. Tikpan neng Moises ing lupa na uling tatakut neng lawan ing Dios.

Ezekiel 1:28

at kasing dakal ne kule ning metung a pinanari. Iti ya ing sala a makasilo a pakilala king panga-atyu na ning Ginu. Inyang ikit ku iti, diku ke ing lupa ku angga king gabun at dimdam ke ing metung a siwala.

Ezekiel 3:23

Inya minta ku king kapatagan at karin ku ikit ing ligaya na ning Ginu, antimo ing ikit ku kanita king lele ning Ilug ning Kebar. Migsakab ku king gabun,

Ezekiel 9:8

Magdili-dili kung atyu karin kabang mararapat ing pamakamate tau. Migsubsub ku king gabun at ngakung kinulisak, O Ginung Dios, tutu na waring maragul ing mua mu king Jerusalem inya pamaten mu la ding sablang makatagan a tau na ning Israel?

Daniel 10:9

Inyang dimdam ke ing bosis na, milako ku male tau at mipase kung makasubsub king gabun.

Ding Bilang 14:5

King arapan da ring memalen na ning Israel, migsakab ya king gabun i Moises at i Aaron.

Ding Bilang 16:22

Migsakab la king gabun di Moises at Aaron. Kaybat ngara, O Dios a sibul ning sablang bie, paten yu la wari ding sablang tau uli na mu ning kasalanan na ning metung a tau?

Ding Bilang 16:45

Dumayu kayu kareng taung deti uling paten ku na la ngeni mu rin! Migsakab ya king gabun i Moises at i Aaron.

Mateo 17:6

Inyang dimdam de ring alagad ing siwala mitakutan lang e mu nanu, inya mipasubsub la king gabun.

Josue 5:14

Mekibat ya, E ku kakampi kenu man; atyu ku keti bilang pamuntuk da ring sundalus na ning Ginu. Migsakab ya i Josue king gabun bilang pamanyamba na at ngana, Talasuyu mu ku, ginu. Nanu ing buri mung daptan ku?

Kapahayagan 1:17

Inyang ikit ke, miragsa kung anting mete king arap na. Pinatung ne kanaku ing wanan nang gamat at ngana, E ka tatakut. Aku ing Mumuna at ing Katataulian!

Ukum 13:20

Kabang mitatas ing aping manibatan king altar, ikit neng Manoa at ning asawa na mumukiat ya banua king api ing anghel ning Ginu. Kanita na abalung Manoa king ya pala ing anghel ning Ginu, at ya at ing asawa na migsakab la king gabun. E ra ne pasibayung ikit pa ing anghel.