Genesis 17:1 - Ing Mayap a Balita Biblia

¹ Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

Genesis 17:1 Iomraidhean Croise

Genesis 12:1

Ngana ning Ginu kang Abram, Lakuan me ing balen mu, ding kamaganak mu, at ing pibalebale nang tata mu, at munta ka king bansang ituldu ku keka.

Genesis 12:7

Pepakit ya karin ing Ginu kang Abram at ngana, Ibie ke ing gabun a iti karing kekang maging lahi. Karin mitalakad yang altar para king Ginung pepakit kang Abram.

Genesis 16:16

Walu yang pulu at anam a banua i Abram inyang meging anak ne kang Agar i Ismael.

Genesis 18:1

Kabang makalukluk ya i Abraham lele na ning pasbul ning tolda na pepakit ya ing Ginu kang Abraham lele da ring sagradung tanaman ning Mamre. Kapalipalian na ning aldo kanita.

Genesis 18:14

Atin waring bage a e na arapat ning Ginu? Mikayanak neng lalaki i Sarah potang balikan da ka keng tutuking banua.

Genesis 24:40

Pekibat na kanaku, Ing Ginu a parati kung pamintuan, itubud neng kayabe mu ing anghel na at saupan na ka ban magtagumpe ka king lakad mu. Inya apanintun meng maging asawa na ing anak ku karing kamaganak ku kang tata ku.

Genesis 26:2

Pepakit ya ing Ginu kang Isaac at ngana, Isaac, e ka pupunta Ehipto nune manatili ka king lugal a ituru ku keka.

Genesis 28:3

Bendisyunan na ka sana ning Dios a Mayupayang tutu king pamakiasawa mu, at parakalan a anak ban maging pipumpunan da ka ring dakal a tau.

Genesis 35:11

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela.

Genesis 43:14

Mananu na sanang paratangan ne lunus kekayu ning Dios a Mayupaya ing taung ita ban paintulutan na lang mibalik kayabe yu ding kapatad yung i Simeon at Benjamin. Nung e na la mibalik ding anak ku, makasadia kung tanggapan iti.

Genesis 46:3

Ngana ning Dios, Aku ing Dios, ing Dios nang tata mu. E ka tatakut munta Ehipto uling karin da ka gawan metung a maragul a bansa.

Genesis 48:15

At binendisyunan ne i Jose at ngana: Bendisyunan na ko sana ning Dios a pemintuan da ring pipumpunan kung di Abraham at Isaac, ing Dios a kakung talataid ibat na kanitang mibait ku angga na king aldong iti.

Genesis 48:3

Kanita nganang Jacob kang Jose, Pepakit ya kanaku ing Dios a Mayupaya karin Luz, king sakup ning Canaan at binendisyunan na ku.

Genesis 5:22

Mebie ya pang atlung dalan a banua i Enoc; mibiebie yang malapit a malapit king Dios kaybat nang mibait Matusalem, at mika aliwa ya pang anak a lalaki at babai.

Genesis 5:24

Mibiebie yang malapit a malapit king Dios, at mewala nia mung bigla uli na ning kinua ne ning Dios.

Genesis 6:9

Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios.

1 Ari 2:4

at tuparan na ning Ginu itang pengaku na. Ngana, Nung ding anak mu at ding maging anak da manatili lang tapat kanaku at mamintu king kaburian ku king mabilug dang pusu at kaladua, kanita manatili lang mag-ari king Israel.

1 Ari 3:6

Pekibat nang Solomon, Pepakit kayung maragul at alang kupas a lugud king talasuyu yung i David a tata ku, uling menatili yang tapat kekayu, makatuliran, at malinis a pusu. At pepanatilian yu naman kang tata ku iting maragul at alang kupas yung lugud, at dininan ye pang metung a anak a menalili king tronu na.

1 Ari 8:25

Inya ngeni, O Ginung Dios ning Israel, isundu mu sanang tuparan itang pengaku mu king talasuyu mung i David a tata ku. King ating manatiling lahi na a mag-ari king Israel, nung maging mapamintu la keka a antimo ya.

2 Ari 20:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit gawan itang buri mung pagawa kanaku. At menangis yang kapait-paitan.

Job 1:1

Ating metung a lalaki king sakup ning Uz a milagyuan Job; ala yang kapintasan at makatuliran ya. Metung yang taung ating takut king Dios at mangilag king e ustu.

Job 11:7

Malyari mu kayang pakibaluan ing kalalalaman na at angganan ning degulan na at upaya ning Dios?

Ding Dalit 115:3

Ing kekaming Dios atyu karin banua; daraptan na itang buri nang daptan.

Ding Dalit 116:9

King arap ning Ginu karin ku mibiebie.

Ding Dalit 25:14

Kakaluguran na la ning Ginu ding mamintu karing utus na, at karela pabalu nang kasunduan na.

Exodo 6:3

Pepakit ku kang Abraham, kang Isaac, at kang Jacob bilang Dios a Mayupayang tutu, oneng e ke pepabalu karela king ing lagyu ku Ginu.

Ding Kasebian 10:9

Ding taung tapat ligtas la't panatag king karelang lakad, oneng marakap la ding taung maglinlang.

Isaias 38:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit daptan itang buri mung parapat kanaku. At menangis yang kapait-paitan.

Jeremias 32:17

Ngaku, Ginung Dios, lelangan me ing yatu at ing banua king kapamilatan na ning kekang maragul a upaya at sikanan; alang bage a e mu arapat.

Daniel 4:35

Lalawan na lang alang ulaga ding tau ning yatu; atyu la lalam ning upaya na ding anghel ning banua, at ding tau king yatu. Ala metung man ing makasalangsang king kaburian na o makapangutang king gagawan na.

Mikeas 6:8

Ali! Sinabi na na ning Ginu kekatamu nung nanu ing mayap. Ing pakiduang na kekatamu ning Ginu ya ini: daptan itang matulid, ipakit ing lugud a e kukupas, at mibiebie king mapagpakumbabang pamakiabe king kekatamung Dios.

Ding Bilang 11:23

Ngana ning Ginu kang Moises, Atin waring e ku arapat? Ngeni akit mu nung tutu o e tutu ing sinabi ku.

Ding Bilang 24:16

ing ula ning makaramdam karing amanu na ning Dios at makaintindi king kabiasnan na ning Kakataskatasan. Akakit ku karing kakung mata ing metung a vision a ibat king Dios a Mayupaya.

Mateo 19:26

Linawe na lang Jesus at ngana, Para king tau, iti e mapalyari; oneng para king Dios ing sabla mapalyari.

Mateo 5:48

Inya sukat kayung maging ganap, nung makananu yang ganap antimo ing Ibpa yung atyu banua.

Lucas 1:6

Mibiebie la deting miyasawa king mitmung kayapan king arapan na ning Dios. Mapamintu lang lubus karing kautusan at tuntunan a ibat king Ginu.

Ding Dapat 23:1

Maratna na lang linawe Pablo ding miembru na ning Konsehu at ngana, Kabalen at kapatad, malinis ya ing konsiensia ku tungkul king mabilug kung pamibiebie arap ning Dios angga king mismung aldong iti.

Ding Dapat 24:16

Inya daraptan ku ing sablang agyu ku ban manatili kung maki malinis a konsiensia arap ning Dios at ding tau.

Efeso 3:20

King Dios a makarapat maygit king sablang malyaring aduan tamu o isipan, king kapamilatan na ning kayupayan nang magobra kekatamu:

Deuteronomio 10:17

Uling ing Ginung kekayung Dios ya ing Dios da ring sablang dios at Ginu de ring sablang ginu. Metung yang maragul at mayupayang Dios; makapangilabut ya; paraparehu ya lawe kenu man at e ya tatanggap suhul.

Deuteronomio 18:13

Bukud mung ing Ginung kekayung Dios ing lubus yung panaligan.

Deuteronomio 30:20

Luguran ye ing Ginung kekayung Dios, mamintu kayu karing utus na at manatiling tapat ban kumaba ing bie yu karin king gabun a pengaku nang ibie karing makatua yung i Abraham, i Isaac, at i Jacob.

Filipos 4:13

Atin kung sikanan marap king nanuman uli na ning sikanan a babie nang Cristo kanaku.

Hebreo 12:28

Inya pasalamat tamu king Dios uling tinanggap tamung metung a kayarian a e maugun. Pasalamatan ta ya at samban ing Dios a kayabe ing kagalangan at takut; king paralan a tutung makaibie tula keya

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.