Genesis 16:5 - Ing Mayap a Balita Biblia

⁵ Nganang mekapagsalitang Sarai kang Abram, Kasalanan mu nung inya insultuan na kung Agar. Binie ke keka ing sarili kung ipus. Ngeni mong balu nang mebuktut ya, insultuan na na ku mu! Ipakit na sana ning Ginu nung ninung maki matulid kekatang adua.

Genesis 16:5 Iomraidhean Croise

Genesis 16:4

Sipingnan neng Abram i Agar at mebuktut ya. Inyang mebuktut ya pegumpisan na neng pigmaragulan ing babaing panginuan na.

Genesis 31:53

Ing Dios nang Abraham at ing Dios nang Nahor, ing Dios da ring karelang pipumpunan, ilang matul kekatamu! Sinumpa ya i Jacob king lagyu na ning Dios a tune nang katakutan Isaac a tata na king tuparan na ing kasunduan da.

2 Cronica 24:22

Kelinguan nang Aring Joas ing kayapan a depat nang Jeoiada, ing tata nang Zacarias. Ing depat na ya ing pepapate ne i Zacarias. Nganang Zacarias inyang mamamate ne, Sana akit ning Ginu ing daraptan mu at papamayaran na ka!

Ding Dalit 35:23

Kimut na ka at idipensa mu ku, O Dios ku at Ginu ko; kakung dangalan kekang talakaran.

Ding Dalit 43:1

O Dios ko, sabian mu king ala kung kasalanan; idipensa mung kakung piamanuan laban karing taung alang Dios a katawan. Iligtas mu ku karing taung mitmung kapamiraitnan, at karing e makatuliran!

Ding Dalit 7:8

Ing ukum ding bansa ya ing Ginu. O Ginu, atulan mu ku ketang kakung katuliran, at keyalan kasalanan.

Exodo 5:21

Ngarang sinabi kang Moises at Aaron, Saksi ya ing Ginu king pepasari yu at parusan na kayu; king uli yu akasaman na kami ning ari ampon ding opisyal na. Anti yu na lang dininan matulid ban pamaten da kami.

Jeremias 51:35

Paburen sabian da ring memalen ning Jerusalem, Mamayad ya sa ing Babilonia, king bigsikan a kekatamu depat na! Paburen sabian da ring memalen ning Jerusalem, Mamayad ya sa ing Babilonia, king kasakitan a delanan tamu!

Ukum 11:27

Ala kung gewang pamikasala keka. Ika ing gagawang e mayap ban gerahan mu ku. Ing Ginu ya ing balang matul ngening aldong iti karing memalen na ning Israel at karing memalen na ning Ammon.

1 Samuel 24:16

Nganang Saul inyang asabi na lang David deting amanu, Ika pin yan, O anak kung David? At menangis yang masikan.