Genesis 15:5 - Ing Mayap a Balita Biblia

⁵ Tiki ne i Abram lual na ning tolda at ngana, Talanga ka at lumawe king banua at bilangan mu la ding batuin, nung arapat mu. Makanyan la karakal ding maging lahi mu.

Genesis 15:5 Iomraidhean Croise

Genesis 12:2

Gawan da kang metung a maragul a bansa at bendisyunan da ka. Maging pikabaluan ka lagyu at manatad kang bendisyun.

Genesis 13:16

Parakalan ku lang anti ing alikabuk na ning yatu ding kekang lahi; nung sakaling abilang da ing alikabuk ning yatu, kanita abilang da la naman ding lahi mu.

Genesis 16:10

Parakalan ku la ding maging lahi mu, nganang tinuglung ning anghel ning Ginu, at e na la abilang ning ninuman.

Genesis 17:2

Gawa kung kasunduan keka at e mu la abilang-bilang ding maging lahi mu.

Genesis 22:17

pangaku kung bendisyunan da kang e makanyan-kanyan at parakalan ku la ding lahi mu. Maging kasing dakal da la ring batuin na ning banua at balas king pampang ning dagat. Sakupan da la ring siudad da ring karelang kalaban.

Genesis 26:4

Parakalan ku la ding lahi mu; maging kasing dakal da la ding batuin king banua at ibie ku ngan karela ing gabun a iti. Aduan da ring bansa ing bendisyunan ku la nung makananu ku lang binendisyunan ding lahi mu.

Genesis 28:14

Maging kasing dakal da la ning alikabuk ning yatu ding lahi mu at kalatanan de ing albugan, ing aslagan, ing norti, at ing mauli. Atagpuan da ring sablang bansa keti king yatu ing bendisyun keka at karing lahi mu.

Genesis 32:13

Kaybat nang linabas ing bengi karin, kewani na lang Jacob deting mapilan a bage ban iregalu king kapatad nang i Esau:

1 Ari 3:8

Atyu ku ngeni libutad da ring taung kekayung pinili; milalu la king karakal at e mu la abilang-bilang.

1 Cronica 27:23

E na la pepalistang Aring David ding ala pang aduang pulung banua uling pengaku na ning Ginu ing parakalan na lang anti ding batuin king banua ding Israelita.

Nehemias 9:23

Peparakal mu la ding anak da, kasing dakal da la ring batuin ning banua, at dela mu la king gabun a pengaku mung ibie karing makatua da ban maging bandi ra.

Job 35:5

Talangan me at lawan ing banua! Lawan mu nung nu la anti katas ding biga!

Ding Dalit 147:4

Balu na nung pilan la ding batuin, at ausan ne ing balang metung king lagyu na.

Exodo 32:13

Ganakan mu la ding talasuyu mung di Abraham, Isaac, at Jacob. Ganakan mu itang masusing pangakung binie mu karela king dinan mu lang lahing kasing dakal da ring batuin king banua, at king babie mu karing lahi da ing sablang gabun a pengaku mung pabandi karela king kapilan pa man.

Isaias 51:2

Ganakan ye ing makatua yung i Abraham, at i Sarah nung kenu kayu menibatan. Ala yang anak i Abraham inyang inaus ke, oneng kaku yang binendisyunan at dininan dakal a anak; e la abilang-bilang ding keyang lahi.

Jeremias 33:22

Dagdagan ku la bilang ding lahi nang David a talasuyu ku at ding paring ibat king tribu nang Levi ban maging masakit ing pamamilang karela antimo ing pamamilang karing batuin na ning banua o ing balas king pampang na ning dagat.

Roma 4:18

Agyamang balamu alang kapalyarian itang panenayan nang Abraham, menaya ya pa mu rin at meniwala, at king anti kanitang paralan milyari yang tata da ring dakal a bansa antimo ing mipangaku keya kanitang misan: Ding lahi mu maging kasing dakal da la ring batuin.

Deuteronomio 1:10

Peparakalan na kayu ning Ginung kekayung Dios. Ngening aldong iti mengari kayu karing batuin na ning banua a misna king karakal.

Deuteronomio 10:22

Pitung pulu la mu ding makatua yu inyang minta la king Ehipto. Oneng ngeni, uli na ning Ginung kekayung Dios, meging kasing dakal yu la ding batuin king banua.

Hebreo 11:12

Uli na niti, king metung mung tau, agyamang iti halus mete nia mu, karin la linto ding dakal a lahi a kasing dakal da ring batuin king banua at e mabilang-bilang antimo ing balas king pasigan.

Josue 24:3

Kanita inaus ke i Abraham a makatua yu manibat king gabun sumangid ning Eufrates, at tinaid ke king kekaban ning Canaan. Dininan keng dakal a lahi. Binie ke kang Abraham i Isaac