Genesis 15:2 - Ing Mayap a Balita Biblia

² Oneng nganang Abram, O Ginung Dios, nanung ulaga na ning ibie mu kanaku? Nung sakaling mate kung alang anak, i Eliezer a tau Damasco a pamahalan ku king pibalebale ku ya ing pamanan ku!

Genesis 15:2 Iomraidhean Croise

Genesis 14:15

Mig-adua lang grupu at kaybat linusub la inyang kabengian karing kalaban da. Simbut da la at tegal angga karin Hoba a atyu king dane norti na ning Damasco.

Genesis 15:1

Kaybat na nita, dimdam neng migsalitang Abram ing Ginu king kapamilatan na ning metung a vision. Ngana, E ka tatakut Abram! Aku ing kekang kambilan at maragul ing galal a ibie ku keka.

Genesis 15:3

E mu ku pa dininan anak at ing pamanan ku metung ya karing ipus ku.

Genesis 24:10

Kaybat na nita, kinangwa yang apulu karing kamelyu na ning panginuan na ampon bage panregalu at saka ne meko papunta Mesopotamia, king siudad nung nu ya manuknangan i Nahor.

Genesis 24:2

Nganang Abraham king pekamatuang diling ipus king pibalebale na a panibalan na king pibandian na, Ibili me ing gamat mu pilatan da ring kanakung puad

Genesis 25:21

Menalangin ya i Isaac king Ginu para king asawa na uling e ya manganak. Pekiramdaman na ning Ginu ing panalangin na; kinagli ya at mebuktut i Rebeca.

Genesis 39:9

Kasing upaya ku ne king pibalebaleng iti. Ala yang e penibala kanaku subali mu ika uling asawa na ka. Makananu ke mo ngening pagtaksilan kaniting maragul a imoralidad at pamikasala arapan na ning Dios?

Genesis 43:19

Inya lepitan de ing katiwala nang Jose at pekisabian lele na ning pasbul ning bale.

Genesis 44:1

Kaybat na nita, nganang minutus Jose king katiwala na, Katmuan yu lang pamangan ding karelang saku, itang agyu rang dalan at ibili yu la ding pemayad da karing karelang saku.

Ding Dalit 127:3

Ding anak regalu lang ibat king Ginu; tune lang bendisyun a binie na.

Ding Kasebian 13:12

Neng mabibigu ing kapanayan, saskup ya ing salu, oneng ing kapagnasan a kimtan paligayan neng pusu.

Ding Kasebian 17:2

Ing maisip a ipus igitan ne ing anak nang alang kwenta ning panginuan na, at akua nang mika dake king mana antimong kapatad na.

Isaias 17:1

Ngana ning Ginu, E ne maging siudad pa ing Damasco; maging katumpuk niang batu.

Isaias 56:5

e makalinguan ing kekang lagyu king kakung Templo at karing taung pinili ku. Mie yang lalung malambat ing lagyu mu kesa ketang mikayanak kang lalaki at anak a babai. E ka makalinguan.

Jeremias 49:23

Iti ya ing sinabi na ning Ginu tungkul king Damasco: Maliligalig la ding memalen da ring siudad na ning Hamat at Arpad uling abalitan da ing e mayap a balita. Mengari king alun ning dagat ing kaligaligan a daratang karela at e la mipaindatun.

Ding Dapat 7:5

E ne dininan ning Dios agyang malati mung dake king gabun a iti para maging bandi nang sariling Abraham; oneng pengaku na ning Dios king ibie ne keya at maging bandi neng sarili, at miyabie ya karing maging lahi na. Ala ya pang anak i Abraham kanitang oras a pengaku na ning Dios ing makanyan.

Ruth 2:6

Pekibat ning katiwala, Ya ing kayabe nang minuling Naomi; tau ya Moab.

1 Samuel 1:11

Nganang ginawang panata, O Ginung Mayupaya, nung pakiramdaman yu ku, nung saupan yu ku at dinan metung a anak a lalaki, italaga ke kekayu kabang bie na at e ke paputut a buak.