Genesis 15:1 - Ing Mayap a Balita Biblia

¹ Kaybat na nita, dimdam neng migsalitang Abram ing Ginu king kapamilatan na ning metung a vision. Ngana, E ka tatakut Abram! Aku ing kekang kambilan at maragul ing galal a ibie ku keka.

Genesis 15:1 Iomraidhean Croise

Genesis 15:2

Oneng nganang Abram, O Ginung Dios, nanung ulaga na ning ibie mu kanaku? Nung sakaling mate kung alang anak, i Eliezer a tau Damasco a pamahalan ku king pibalebale ku ya ing pamanan ku!

Genesis 15:4

Kanita ngana ning Ginu, Aliwa i Eliezer; sarili meng anak ing maging talapagmana mu.

Genesis 21:17

Dimdam na ning Dios ing kiak ning anak at ibat banua kinulait ya kang Agar ing anghel ning Dios. Ngana, Nanung kababalisa mu, Agar? E ka tatakut uling dimdam na ning Dios ing kiak ning anak ketang kabilian na.

Genesis 22:1

Kaybat dang milyari deting bage, sibukan ne ning Dios i Abraham. Abraham, ngana. Nanu pu? nganang mekibat.

Genesis 22:20

Kaybat nang milyari nita, mibalita kang Abraham king mikayanak yang lalaki i Milka king kapatad nang i Nahor.

Genesis 26:24

Pepakit ya kang Isaac ing Ginu ketang benging ita. Ngana, Aku ing Dios nang Abraham a tata mu; e ka mitatakutan; kayabe mu ku. Bendisyunan da ka at kaku lang parakalan ding lahi mu uli nang Abraham a kakung talasuyu.

Genesis 31:7

Makanyan man pemiraitnan na ku pa at mekatapulu na nang besis inalilan ing upa na kanaku. Pero e na peintulut ning Dios ing apanasakit na ku.

2 Samuel 22:3

Ing kakung Dios batu ya waring pagsantungan a mimingat kaku, at mengari yang kalasag kaku. Ya ing kakung talapagligtas; ingatan na ku at liligtas king karahasan.

2 Ari 1:15

Ngana ning anghel ning Ginu kang Elias, Tuki ka king opisyal. E ka tatakut. Inya tinalakad ya i Elias at tinuki ya king opisyal ban puntalan ya ing ari.

1 Cronica 28:20

Ngana pang David kang Solomon, Magpakatatag ka at e mu painan ing lub mu. Daptan mu na itang sukat mung daptan at e mu paintulut ing sabatan na ka ning ninuman, uling ing Ginung Dios a kanakung Dios patnubayan na ka. E na ka lakuan; matnube ya keka angga king apayari mu ing obra para king bale na.

Ding Dalit 115:10

Ikayung pari a lahi nang Aaron, ing Ginu ya ing kekong panaligan, uling ya ing kekayu babie kasaupan at kalasag.

Ding Dalit 119:114

Ika ing kakung salikutan at kambilan; ing kekang pangaku yang kakung pagkatiwalan.

Ding Dalit 142:5

Ginu, mamaus kung maniawad saup keka; ika, O Ginu, ing kakung santungan, ika mung bukud ing nasa ku kabilugan ning bie ku.

Ding Dalit 18:2

Kaku ing Ginu anti yang batung maragul a e mauugun; anti yang pader a matibe a babie kaligtasan. Ing kakung Dios batu ya waring matibe a magdipensa kaku, at anti yang kalasag ku.

Ding Dalit 27:1

Ing Ginu ya ing kakung sulu at kaligtasan, ninu ing kakung pitakutan? King panganib ing Ginu ingatan na ku, ninu ing pitakutan ku?

Ding Dalit 3:3

Oneng ika, O Ginu, ing kalasag ku, ika ing babie tagumpe kaku; babalik mu kaku ing sikanan lub.

Ding Dalit 3:4

King Ginu maus kung masikan, at ya naman king bunduk nang banal, kaku munie yang kapakibatan.

Ding Dalit 5:12

O Ginu, ika ing babie bendisyun king taung makatuliran; ing lugud mu ya ing kalasag na.

Ding Dalit 58:11

Kanita karelang sabian, Talaga palang miyablasan lang mayap ding makatuliran, at ating Dios king yatu mamatul!

Ding Dalit 84:11

Ing Ginung Dios ya ing kekatamung kalasag at aring marangal; dininan na katamung ganaka. Ala yang pagkaimut a bage mayap karetang lalakad king daklat na.

Ding Dalit 84:9

Bendisyunan me, O Dios, ing ari ming talapaglualu at maging maganaka ka sa anti ning ya ing ari a kekang pinili.

Ding Dalit 91:4

Karing pakpak na lukuban na ka; ingat na keka ibie na; ing katapatan na ya ing mingat keka.

Exodo 14:13

Nganang mekibat Moises, E kayu tatakut! Tatagan yu ing lub yu at akit yu nung nanu ing daptan na ning Ginu ban iligtas na kayu king aldong iti. E yu na la kapilan man akit pang pasibayu deting tau Ehipto.

Ding Kasebian 11:18

Muli mung alang kabaldugan ing nanumang isipan nang pakinabang ning taung tune e mayap, oneng ing taung tatanam kayapan mupul yang tune kasaplalan.

Ding Kasebian 30:5

Patutuan na ning Dios ing balang sinabi na. Mengari yang kalasag karing sablang magtiwala king Dios.

Isaias 35:4

Sabian yu king ninumang mimina lub, Siknangan mu ing lub mu at e ka tatakut! Daratang ya ing Dios ba na kang iligtas, datang ya ban ding kekang kalaban keya lang parusan.

Isaias 40:10

Ing Ginung Dios daratang ya ban sumakup kapamilatan ning upaya; daralan na la ding taung linigtas na.

Isaias 41:10

E ka tatakut; kayabe mu ku! Aku ing kekang Dios; e ka sa mitatakutan. Gawan da kang masikan at kakung saupan; ingatan da ka at iligtas.

Isaias 41:14

Ing Ginu sasabian na, Israel, agyang malati ka at maina, e ka sana tatakut; saupan da ka. Aku, ing banal a Dios ning Israel, ing magligtas keka.

Isaias 43:1

Israel, ing Ginung keka linalang sasabian na, E ka tatakut; iligtas da ka. Inaus da ka king kekang lagyu; bandi ra ka.

Isaias 43:5

E ka tatakut; atyu ku siping mu! Ibat king marayung aslagan, at angga king marayung albugan, kaku lang iyuli kekang memalen.

Isaias 44:2

Aku ing Ginung linalang keka; seupan da na ka manibat na inyang mibait ka. E ka tatakut; ika ing kakung talasuyu, ing balen a pinili ku at kaluguran ku.

Isaias 44:8

E kayu tatakut, O memalen ku! Balu yu manibat na king minunang panaun angga na ngeni king sinabi kung makapauna ing sablang bage mapalyari, at ikayu ding kakung testigu! Atin pa waring aliwang dios? Atin pa waring aliwang mayupayang dios subali kako?

Isaias 51:12

Ngana ning Ginu, Aku ing babie sikanan keka. Obat tatakut ka king taung ating kamatayan a e manatiling anti ing dikut?

Jeremias 39:17

Oneng aku, ing Ginu, iligtas da ka at e ka miyabie karing gamat da ring taung katakutan mu.

Ding Tagulele 3:24

Ing bukud mung bandi ku ya ing Ginu, bibili ku king Ginu ing kapanayan ku.

Ezekiel 1:1

King kalimang aldo na ning kapat a bulan ning katlung pulung banua, aku, i Ezekiel a pari, ing anak nang Buzi, at ding Judiong miyugse, manuknangan ku king lele ning Ilug ning Kebar karin Babilonia. Mibuklat ya ing banua at ikit ku la ding vision na ning Dios. (

Ezekiel 11:24

King vision tinas na ku ning espiritu na ning Dios, at dela na kung pasibayu karing taung miyugse king Babilonia. Kaybat mitda ya ing vision

Ezekiel 3:4

Kanita ngana ning Dios, Anak ning tau, munta na ka karing memalen na ning Israel at sabian mu karela ing nanumang yuyutus kung sabian mu.

Ding Bilang 12:6

ngana ning Ginu, Makiramdam kayu king sabian ku. Nung ating propeta libutad yu, pakit ku keting propeta king kapamilatan na ning vision at pakipagsalitan ke king kapamilatan na ning paninap.

Ding Bilang 18:20

Ngana pa ning Ginu kang Aaron, E ka tanggap nanumang pibandian o dake king gabun a mipangaku at ala kayung mana nanuman. Aku, ing Ginu, ing dake yu at ing mana yu.

Ding Bilang 24:4

ning makiramdam king sasabian na ning Mayupayang Dios, ing manakit king vision a parala na ning Mayupaya; milugmuk ku, oneng mibuklat la ding kakung mata.

Mateo 28:5

Migsalita ya ing anghel karing aduang babai. Ngana, E kayu tatakut. Balu ku king panintunan ye i Jesus a pinaku ra king krus.

Mateo 8:26

At sinabi na karela, Obat mitatakutan kayung makanyan? Karitak yu naman a kasalpantayanan! Tinikdo ya kanita; sebianan ne ing angin at ing alun at mikamaragul a karatunan.

Lucas 1:13

Oneng ngana ning anghel, Zacarias, e ka tatakut! Dimdam na ning Dios ing kekang panalangin, inya manganak yang metung a lalaki ing asawa mung i Elizabeth. Pamalagyuan meng Juan.

Lucas 1:30

Ngana ning anghel, Maria, e ka mitatakutan uling meging malam ya lub keka ing Dios.

Lucas 12:32

E kayu tatakut, malating kawan, uling ikakatula na ning Ibpa yu ing ibie ne kekayu ing Kayarian.

Ding Dapat 10:22

Ngarang mekibat, Tinubud na kami ning Kapitan Cornelio. Metung yang taung mayap a makitakut king Dios at gagalangan ne ning mabilug a bansang Judio. Sinabi na keya ning banal a anghel ning Dios ing kumbiran na kayung munta keta king bale na ba nang pakiramdaman ing nanumang sabian yu.

1 Corinto 3:22

i Pablo, i Apolos, at i Pedro; iting yatu, ing bie at ing kamatayan, ing kasalukuyan, at ing daratang a panaun; iting sabla kekayu ngan.

Deuteronomio 18:2

Ala la ping dake mana king gabun. Ing Ginu ya ing dake ra, antimo ing pengaku na karela.

Deuteronomio 31:6

Magpakatatag kayu; siknangan yu ing lub yu. E kayu sukat mitatakutan karela, uling ing Ginung kekayung Dios ya ing manimuna kekayu. E na kayu paburen o lakuan.

Hebreo 1:1

Kanitang minuna, king dakal at miyayaliwang paralan, migsalita ya ing Dios karing kekatamung makatua king kapamilatan da ring propeta.

Kapahayagan 1:17

Inyang ikit ke, miragsa kung anting mete king arap na. Pinatung ne kanaku ing wanan nang gamat at ngana, E ka tatakut. Aku ing Mumuna at ing Katataulian!

Ruth 2:12

Bendisyunan na ka sa ning Ginu, ing Dios ning Israel, uling karing lalam nang bagyus karin ka migsantung!

1 Samuel 15:10

Ngana ning Ginu kang Samuel,

1 Samuel 9:9

Kanitang panaun a ita lalapit ya ing ninuman king manula ning Israel neng atin yang buring ikutang king Dios, uling manula ing aus da king ausan dang propeta ngeni.)