Genesis 13:7 - Ing Mayap a Balita Biblia

⁷ Maralas ing mipapate la ding pastul da ri Abram at Lot. (King panaun a ita ding Cananeo at Perezeo ilang manuknangan king lugal a ita.)

Genesis 13:7 Iomraidhean Croise

Genesis 10:19

Magumpisa ya ing sakup dang gabun king Sidon banda Gerar malapit Gaza angga na Sodoma at Gomorra, Adma, at Zeboiim angga karin Lasa.

Genesis 12:6

libutan neng Abram angga king miras ya king lele na ning sagradung tanaman ning More, ing banal a lugal karin Sikem. (Manuknangan la pa kanita karin ding Cananeo.)

Genesis 21:25

Migreklamu ya i Abraham kang Abimelek tungkul king metung a talagang simsam da ring ipus nang Abimelek.

Genesis 26:20

Pekipaten da la ring magpastul a tau Gerar ding magpastul nang Isaac. Ngara, Kekami ing danum a iti! Pemalagyuan neng Esek ing talaga uling pekipaten de karin.

Genesis 34:30

Nganang Jacob kari Simeon at Levi, Karagul na ning problemang pepasari yo! Uli na ning gewa yu pikasaman da ku ding memalen na ning lugal a iti, ding tau Canaan, at ding Perezeo. Ditak la mu ding tauan ku. Nung sakaling misanmetung la at lusuban da ku, siguradung magisan tamu lahi.

Genesis 46:34

sabian yu king ibat na inyang anak kayu manese na kayung baka kalupa da ring pipumpunan yu ba na kayung patuknangan Gosen. Sinabi nang Jose iti uling masusumami la ring tau Ehipto kareng magpastul animal.

Nehemias 5:9

Inya sinabi ku, E ustu ing daraptan yu! Sukat kayung tumakut king kekatamung Dios ban e ra katamu insultuan ding bansang kekatamung kalaban.

Exodo 2:17

Ating dinatang a pastul at penabi da la reting babai. Tinalakad ya i Moises ban saupan ding babai. Kaybat na nita, pepainum na lang Moises ding sese rang animal.

Ding Kasebian 20:3

Metung a dangalan kaninu man ing pangilagan na ing kaguluan, oneng ing mangmang agad yang makipate.

Marcos 3:25

Nung e la mikakasundu deng mipapamilya, misalbag ya ing pamilyang ita.

1 Corinto 3:3

uling mabibie kayu pa antimong taung maka-yatu. Ating mipapangalalu kekayu at mipatepate. Iti mangabaldugan king tau kayu ping maka-yatu at mabibie agpang king panugali na ning yatu.

Galacia 5:20

king pamanyamba karing idolo at karing mangkukulam. Milaban-laban la ding tau, mipatepate la, mipapangalalu la, mipapagkamua la at mapagimbut. Mipatepate la karing miyayaliwang partido at lupung;

Colosas 4:5

Maging matalino kayu sa king pamakiabe yu karing e talasalpantaya; gamitan yung masalese ing sablang oportunidad a miyabie kekayu.

1 Tesalonica 4:12

King anti kaniting paralan, igalang da kayu ding e pa makakilala king kekatamung Ginu. Bukud pa kaniti, e yu ipanalig karing aliwa ing kekayung kabiayan.

Tito 3:3

Uling kanitang misan itamu man meging mangmang tamu, mapaglaban, melili, at me-ipus king miyayaliwang pita at kalayawan na ning katawan. Mibiebie tamu kanita a ating e mayap a nasa. Kesaman da katamu ding tau at kesaman ta la munaman.

Santiago 3:16

Nukarin man mag-ari ing pangariria at pansariling nasa, karin munaman ing kaguluan at ing miyayaliwang uring e mayap.

Santiago 4:1

Nanu ing panibatan na ning sablang pamipate at pamikontrang lalto kekayu? Aliwa wari deti ding bunga na ning pamitan ning katawan yu a alang patugut mag-rebeldi laban king pangatau yu?

1 Pedro 2:12

Ing kekayung panugali libutad ding paganu sukat sanang maging kapuripuri. Kanita bisa la mang magsalitang kasiran laban kekayu, ala lang aliwang akit nune mu ding dapat yung mayap. Uli na ning mayap yung dapat purian de ing Dios king Aldo ning paniatang na.