Genesis 13:16 - Ing Mayap a Balita Biblia

¹⁶ Parakalan ku lang anti ing alikabuk na ning yatu ding kekang lahi; nung sakaling abilang da ing alikabuk ning yatu, kanita abilang da la naman ding lahi mu.

Genesis 13:16 Iomraidhean Croise

Genesis 15:5

Tiki ne i Abram lual na ning tolda at ngana, Talanga ka at lumawe king banua at bilangan mu la ding batuin, nung arapat mu. Makanyan la karakal ding maging lahi mu.

Genesis 16:10

Parakalan ku la ding maging lahi mu, nganang tinuglung ning anghel ning Ginu, at e na la abilang ning ninuman.

Genesis 17:16

Bendisyunan ke at dinan da kang anak a lalaki king kapamilatan na. Bendisyunan kia naman. Maging ima re ding bansa at ating maging ari karing maging apu na.

Genesis 17:2

Gawa kung kasunduan keka at e mu la abilang-bilang ding maging lahi mu.

Genesis 17:20

Ibie ku ing aduan mu para kang Ismael; bendisyunan ke, dinan keng pibandian, at parakalan ku la ding lahi na. Maging tatang de ring labing aduang prinsipi, at maging tatang ne ning metung a bansang maragul.

Genesis 17:6

Dinan da kang dakal a lahi. Maging bansa la reti at ating lunto ari karela.

Genesis 18:18

ngening malapit neng maging metung a bansang maragul ampon mayupaya, at kang Abraham da atagpuan ding sablang bansa keti king yatu ing karelang ikasaplala?

Genesis 21:13

Tungkul naman king anak na ning ipus, gawan kia namang metung a bansa uling anak mia naman.

Genesis 22:17

pangaku kung bendisyunan da kang e makanyan-kanyan at parakalan ku la ding lahi mu. Maging kasing dakal da la ring batuin na ning banua at balas king pampang ning dagat. Sakupan da la ring siudad da ring karelang kalaban.

Genesis 26:4

Parakalan ku la ding lahi mu; maging kasing dakal da la ding batuin king banua at ibie ku ngan karela ing gabun a iti. Aduan da ring bansa ing bendisyunan ku la nung makananu ku lang binendisyunan ding lahi mu.

Genesis 28:14

Maging kasing dakal da la ning alikabuk ning yatu ding lahi mu at kalatanan de ing albugan, ing aslagan, ing norti, at ing mauli. Atagpuan da ring sablang bansa keti king yatu ing bendisyun keka at karing lahi mu.

Genesis 28:3

Bendisyunan na ka sana ning Dios a Mayupayang tutu king pamakiasawa mu, at parakalan a anak ban maging pipumpunan da ka ring dakal a tau.

Genesis 32:12

Ngayung mengaku kanaku: E ra ka paburen at parakalan ku la ring maging lahi mu, maging kasing dakal da la ring balas na ning dagat a e abilang-bilang.

Genesis 32:13

Kaybat nang linabas ing bengi karin, kewani na lang Jacob deting mapilan a bage ban iregalu king kapatad nang i Esau:

Genesis 35:11

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela.

Genesis 46:3

Ngana ning Dios, Aku ing Dios, ing Dios nang tata mu. E ka tatakut munta Ehipto uling karin da ka gawan metung a maragul a bansa.

1 Ari 3:8

Atyu ku ngeni libutad da ring taung kekayung pinili; milalu la king karakal at e mu la abilang-bilang.

1 Ari 4:20

Mengari lang balas king pampang ning dagat ding memalen ning Israel at Juda uli na ning keraklan da. Labis-labis ing karelang kabiayan at masaya la.

2 Ari 13:23

Oneng meging malunusan ya at maganaka karela ing Ginu uli na ning kasunduan na kang Abraham, Isaac, at Jacob. E na peintulut ing magisan lang mate, inya sinaupan na la; e na la kelinguan angga ngeni.

1 Cronica 21:5

Minie yang ulat kang Aring David tungkul karing sablang lalaking malyaring gawan sundalus: metung lang milyun at dinalan a libu ring king Israel at apat lang dalan pitung pulung libu ring king Juda.

1 Cronica 27:23

E na la pepalistang Aring David ding ala pang aduang pulung banua uling pengaku na ning Ginu ing parakalan na lang anti ding batuin king banua ding Israelita.

2 Cronica 1:9

O Ginung Dios, tuparan yu ngeni itang pengaku yu kang tata ku, anti na ning gewa yu kung ari da reting taung kasing dakal na ning alikabuk ning yatu.

Job 5:25

Akit mu ing dakal la ding anak mu, at ding lahi mu kasing dakal na la ning dikut ning yatu.

Exodo 1:7

Oneng menganak la ding Israelita a lahi da at merakal na lang merakal; mabilis lang merakal at tutung masikan angga king milaganapan ya karela ing Ehipto.

Exodo 32:13

Ganakan mu la ding talasuyu mung di Abraham, Isaac, at Jacob. Ganakan mu itang masusing pangakung binie mu karela king dinan mu lang lahing kasing dakal da ring batuin king banua, at king babie mu karing lahi da ing sablang gabun a pengaku mung pabandi karela king kapilan pa man.

Jeremias 33:22

Dagdagan ku la bilang ding lahi nang David a talasuyu ku at ding paring ibat king tribu nang Levi ban maging masakit ing pamamilang karela antimo ing pamamilang karing batuin na ning banua o ing balas king pampang na ning dagat.

Ding Bilang 23:10

Ninu ing malyaring makabilang karing dakal nang lahing Israel? Abilang ya kaya agyang ing kapat nang dake? Paburen mate ku anti ing kamatayan na ning banal o kaya miwakasan iting bie kalupa da ring banal!

Deuteronomio 1:10

Peparakalan na kayu ning Ginung kekayung Dios. Ngening aldong iti mengari kayu karing batuin na ning banua a misna king karakal.

Hebreo 11:12

Uli na niti, king metung mung tau, agyamang iti halus mete nia mu, karin la linto ding dakal a lahi a kasing dakal da ring batuin king banua at e mabilang-bilang antimo ing balas king pasigan.

Kapahayagan 7:9

Kaybat na nita, ikit ku la ding tutung dakal a tau; e na la abilang ning ninuman king karakal da! Ibat la deti king balang bansa at lahi, balen at salita. Makatalakad la arap ning tronu at ning Kordero. Makaimalan lang makaba at maputi at atin yang tatalnan a sangang palma ing balang metung.

Ukum 6:3

Kabud meyari lang tinanam ding Israelita kanita no man datang ding Midianita, ding Amalekita, at ding libut-libut a tribu ning aslagan at lusuban da la.

Ukum 6:5

Daratang lang kayabe da ring karelang baka at tolda. Anti la mong makapal a durun neng daratang la; at e mu la abilang-bilang ding kamelyu ra. Mesalanta ing sabla-sabla king gabun king paniatang da.