Genesis 13:10 - Ing Mayap a Balita Biblia

¹⁰ Linawe yang makapadurut i Lot at ikit nang mipaparanuman yang masalese ing mabilug a Kapatagan ning Jordan angga karin Zoar, kalupa na ning sarili nang mulahan ning Ginu o ning Ehipto. (E ne pa kanita silaban ning Ginu ing Sodoma at Gomorra.)

Genesis 13:10 Iomraidhean Croise

Genesis 11:27

Ila deti ring lahi nang Tera. Anak na lang Tera di Abram, Nahor, at Haran. Anak neng Haran i Lot.

Genesis 13:11

Inya pinili neng Lot ing mabilug a Kapatagan ning Jordan at minta ya bandang aslagan. Makanyan lang mikawani.

Genesis 13:9

Makapanaya ing gabun arapan mu. Mayap ing mikawani kata. Nung munta ka king dane kayli aku naman munta ku king dane wanan; nung munta ka king dane wanan aku munta na ku man king dane kayli.

Genesis 14:2

mekigera la kari Aring Bera ning Sodoma, Aring Birsa ning Gomorra, Aring Sineab ning Adma, Aring Semeber ning Zeboiim, at king ari ning Bela (o Zoar).

Genesis 14:8

Kanita ding ari na ning Sodoma, Gomorra, Adma, Zeboiim, at Bela linage lang kayabe ding sundalus da king Kapatagan ning Siddim ban labanan da la

Genesis 3:6

Ikit na ning babai king masanting yang lalawan ing tanaman at maniaman yang kanan a bunga at dapat yang pagnasan uling babie yang kabiasnan. Inya kinangwa ya karing bunga na at pengan ne; dininan nia naman ing asawa na at mengan ya.

Genesis 47:6

Ngening ika ing mamahala king mabilug a Ehipto patuknangan me i tata mu at ding kapatad mu king pekamasanting a gabun; patuknangan mu la Gosen. Nung atin kang apili karelang biasang magpastul, ipanibala mu la karela ding kanakung kawan.

Genesis 6:2

ikit da ring anak na ning Dios king malagu la ding anak da ring tau. Inya, gewa da lang asawa da ring sablang apili ra kareti.

1 Ari 7:46

Pepaulma na lang Solomon deti king Kapatagan ning Jordan pilatan ning Sucot at ning Zaretan.

Job 40:23

Ala yang takut agyang mabilis ya ing agus; tahimik ya agyang sapulan ne ning danum ning Jordan.

Ding Dalit 107:34

ing gabun a sadiang mataba meging gabun a malat, uli ning ugali rang e mayap ding taung karin manuknangan.

Isaias 15:5

Masisindak ya ing pusu ku para king Moab! Tinakas la ding memalen at minta la king Zoar at king Eglat Selisiya. Dinalan la ding aliwa king dalan paukiat king Luhit; manangis la kabang dalan. Tinakas lang minta ding aliwa king Horonaim, ngungulangul lang masikan.

Isaias 51:3

Ipakit ku ing kakung lunus king Zion, karing sablang manuknangan karing melasak nang lugal. Agyang pang ing lugal na metung neng disyerto, gawan ke mu ring metung a hardin, anti ing hardin ku king Eden. Tula at saya ing atyu karin; kantang kapurian at kapasalamatan ing ikanta ra kaku.

Jeremias 48:34

Kukulisak la ding memalen na ning Hesbon at Eleale at mararamdam ing kulisak da angga king marayung Jahaz; daramdaman da ring memalen na ning Zoar at mararamdam angga king Horonaim at Bayung Eglat. Melangi ya at pati na ing Batis ning Nimrim.

Ezekiel 16:46

Ing atsi mu, at ding baryu na, ya ing Samaria ning norti. Ing wali mung babai, at ding baryu na, ya ing Sodoma ning mauli.

Ezekiel 16:49

Migmaragul ya at ding anak na uling dakal la pagkabie, at mibiebie la king kapayapan ampon katahimikan. Mu pin, e ra la seupan ding pakakalulu at ding atyu king pamangailangan.

Ezekiel 28:13

Menuknangan ka king Eden, ing hardin ning Dios, at makasulud miyayaliwang uring alahas a mangamal: rubi at diamante; topasyu, berilu, karnelan, haspe, sapiro, esmeralda, at karbungko. Makapalamuti kang gintu. Megawa la para keka kanitang aldo a ika melalang ka.

Ezekiel 31:8

Ala yang kalupa agyang karing sedro king mulahan ning Dios. Agyang ding tanaman a sipres e la mika sangang kalupa na. At alang tanaman a kastanyo a akaparis na. Alang tanaman king mismung mulahan ning Dios a kasing santing na.

Ezekiel 31:9

Gewa keng malagung kayabe da ring makaladlad nang sanga. Ya ing karirian da ring balang tanaman king Eden, ing mulahan ning Dios.

Ezekiel 47:18

Ing angganan na king dane aslagan: magumpisa ya king Hazar-enon pilatan ning Damasco at Hauran, at ing Ilug ning Jordan ya ing maging angganan na ning Israel king dane albugan at ning Gilead king dane aslagan angga na king Tamar king Dagat a Mete.

Joel 2:3

Mengari la king api a lalaklak karing tanaman. King karelang arapan ing bansa anti ya ing Mula ning Eden, oneng king karelang kagulutan metung yang malanging ilang. Karela alang miligtas metung man.

Deuteronomio 34:3

ing dane mauli nang Juda, ing kapatagan a magumpisa king Zoar angga king Jerico, ing siudad da ring tanaman a palma.