Genesis 12:8 - Ing Mayap a Balita Biblia

⁸ Ibat karin sinulung ya pa at miras king mabunduk a lugal king dane nang aslagan ning Betel. Telakad ne ing tolda na pilatan na ning Betel, king dane albugan at ning Ai king dane aslagan. Mitalakad yang altar karin para king Ginu at menalangin ya king lagyu na ning Ginu.

Genesis 12:8 Iomraidhean Croise

Genesis 13:18

Linipat na lang Abram ding tolda na at menuknangan ya lele na ning sagradung tanaman ning Mamre ning Hebron. Mitalakad yang altar karin para king Ginu.

Genesis 13:3

Tunggal ditak miraras ya Betel; ketang lugal pilatan na ning Betel at Ai nung nu ne telakad ing tolda na kanitang minuna,

Genesis 13:4

at karin ya naman minunang mitalakad altar, at menalangin king lagyu na ning Ginu.

Genesis 21:33

Mitanam yang metung a tanaman a tamarisko i Abraham karin king Beerseba at karin ya sinamba king Ginu, ing Dios a alang angga.

Genesis 22:9

Karas da king lugal a tiru na ning Dios, mitalakad yang altar i Abraham at selansan na ing dutung a panangab babo na niti. Kaybat ginapus ne ing anak nang i Isaac at binili ne babo na ning dutung a panangab king altar.

Genesis 26:25

Ginawa yang altar karin i Isaac at minaus ya king lagyu na ning Ginu king pamanalangin na. Mitalakad ya namang tolda karin at kinulkul lang talaga ding ipus na.

Genesis 28:19

Inaus neng Betel ing lugal a ita a mangabaldugan Bale ning Dios. Kanitang minuna ing lugal a ita ausan deng Luz.

Genesis 31:25

Inyang datang ya i Laban atalakad na neng Jacob ing tolda ra king bunduk samantalang i Laban at ding kayabe na telakad da la ring tolda king bunduk-bundukan na ning Gilead.

Genesis 33:20

Karin ya ginawang altar at inaus neng El, ing Dios ning Israel.

Genesis 35:3

Kaybat mako tamu at munta karin Betel. Karin gawa kung altar para king Dios a sinaup kanaku inyang maliligalig ku at parating matnube kanaku nukarin ku man munta.

Genesis 35:7

Karin ya ginawang altar at inaus neng El-Betel ing lugal a ita, uling karin ya pepakit ing Dios inyang tatakas ya king kapatad na.

Genesis 4:26

Mikayanak yang metung a lalaki i Set, at pemalagyuan neng Enos. Kanita la megumpisang minaus ding tau king lagyu na ning Ginu king karelang pamanyamba.

Genesis 8:20

Kaybat na nita, mitalakad yang altar i Noe para king Ginu. Kinangwa yang tunggal-tunggal karing animal ampon ayup a malinis, at kaybat inain na la at dilukan babo na ning altar.

Nehemias 11:31

Menuknangan la ding pamilyang ibat king tribu nang Benjamin king Geba, Mikmas, Ai, Betel, at karing makalapit a baryu,

Ding Dalit 116:4

Kanita minaus ku king lagyu ning Ginu. Ngaku, O Ginu, makisabi kung mayap, iligtas mu ku!

Exodo 17:15

Mitalakad yang altar i Moises at inaus neng Ing Ginu ya ing kanakung Bandera.

Isaias 10:28

Ibat king Rimmon linusub la ding kalaban. Atyu na la king siudad ning Ayat ding kalaban! Linabas na la king Migron! Likuan da king Mikmas ing kagamitan da!

Joel 2:32

Oneng ding sablang pasaup king Ginu miligtas la. Antimo ing sinabi ning Ginu kanita pa, Ding mapilan king Jerusalem makatakas la; detang buri kung mitagan, mitagan la.

Ding Dapat 2:21

At kanita, ninuman ing maus king lagyu ning Ginu miligtas ya.

1 Corinto 1:2

Miparala ya king iglesia ning Dios karin Corinto, karing inaus nang maging banal ning Dios, ing balen a miyabe kang Cristo Jesus kayabe ding sablang tau a mamaus nu karin man king lagyu na ning Ginu tamung Jesu-Cristo, ing Ginu ra at Ginu tamu naman.

Hebreo 11:9

King kapamilatan na ning kasalpantayanan mibiebie yang antimong metung a dayuan king gabun a pengaku na ning Dios keya. Menuknangan ya karing tolda, at antimu rin i Isaac, at i Jacob a tinanggap munaman king pangaku na mu ring ita ning Dios.

Josue 18:22

Bet Araba, Zemaraim, Betel,

Josue 22:10

Inyang ding tribu nang Ruben, Gad, at ning Manase ning dane Aslagan miras la Gelilot, atyu la pa mu rin kanita king dane albugan ning Jordan, mitalakad lang maragul at matas a altar karin king pampang ning ilug.

Josue 7:2

Manibat Jerico mitubud yang tauan na i Josue. Pepapuntan na la Ai, ing metung a balen king dane aslagan na ning Betel malapit Betaven, at penabilinan king munta na la at manmanan de ing lugal a ita. Inyang agawa da na iti,

Josue 8:12

Memili yang limang libu katau at pepagkublian na la deti pilatan na ning Ai at Betel.

Josue 8:17

Linual la ngang tatagal ding sablang lalaki na ning Ai karing Israelita; melakuan yang makabuklat ing siudad at alang mag-dipensa kaniti.

Josue 8:3

Inya migsadia ya i Josue at ding sablang sundalus na ban munta Ai. Memili yang atlung pulung libu karing matapang nang sundalus at tinubud na la busal ning kabengian.

Josue 8:30

Kaybat na nita, mitalakad yang altar i Josue king Bunduk ning Ebal para king Ginu, ing Dios ning Israel.

Josue 8:9

Inya pepalakuan na na lang Josue at minta lang migkubli at karin la menaya king dane albugan na ning Ai, pilatan na ning Ai at Betel. Linabas nang Josue ing kabukas king kampu.

Ukum 6:24

Inya mitalakad yang altar i Gideon karin para king Ginu at inaus ne iting Kapayapan ya ing Ginu. Atyu ya pa angga ngeni iting altar king Ofra a bandi da ring pamilya nang Abiezer.

1 Samuel 30:27

Peparala ya karin king Betel, king Ramot ning Negeb, king Jatir,