Genesis 12:7 - Ing Mayap a Balita Biblia

⁷ Pepakit ya karin ing Ginu kang Abram at ngana, Ibie ke ing gabun a iti karing kekang maging lahi. Karin mitalakad yang altar para king Ginung pepakit kang Abram.

Genesis 12:7 Iomraidhean Croise

Genesis 12:8

Ibat karin sinulung ya pa at miras king mabunduk a lugal king dane nang aslagan ning Betel. Telakad ne ing tolda na pilatan na ning Betel, king dane albugan at ning Ai king dane aslagan. Mitalakad yang altar karin para king Ginu at menalangin ya king lagyu na ning Ginu.

Genesis 13:15

Ibie ku keka at karing maging lahi mu ing heganaganang gabun a akakit mu ban maging kekayu king kapilan pa man.

Genesis 13:17

Mako na ka at lakaran ing gabun, ing kaba at lapad na, uling keka ku babie iti.

Genesis 13:18

Linipat na lang Abram ding tolda na at menuknangan ya lele na ning sagradung tanaman ning Mamre ning Hebron. Mitalakad yang altar karin para king Ginu.

Genesis 13:4

at karin ya naman minunang mitalakad altar, at menalangin king lagyu na ning Ginu.

Genesis 15:18

Kanita ya mekipagkasundu ing Ginu kang Abram. Ngana, Babie ke ing gabun a iti karing maging lahi mu, manibat king ilug ning Ehipto angga king maragul a Ilug ning Eufrates

Genesis 17:1

Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

Genesis 17:3

Migsakab ya i Abram. Migsalita ya pa ing Dios at ngana,

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Genesis 18:1

Kabang makalukluk ya i Abraham lele na ning pasbul ning tolda na pepakit ya ing Ginu kang Abraham lele da ring sagradung tanaman ning Mamre. Kapalipalian na ning aldo kanita.

Genesis 22:9

Karas da king lugal a tiru na ning Dios, mitalakad yang altar i Abraham at selansan na ing dutung a panangab babo na niti. Kaybat ginapus ne ing anak nang i Isaac at binili ne babo na ning dutung a panangab king altar.

Genesis 24:7

Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

Genesis 26:25

Ginawa yang altar karin i Isaac at minaus ya king lagyu na ning Ginu king pamanalangin na. Mitalakad ya namang tolda karin at kinulkul lang talaga ding ipus na.

Genesis 26:3

Manatili ka king lugal a ita. Antabayanan da ka at bendisyunan da ka. Ibie ku keka at karing maging lahi mu ing kabilugan a gabun at tuparan ke ing pangaku ku kang tata mung i Abraham.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 28:4

Bendisyunan na ka naman sana at ding maging lahi mu kalupa na nitang pamamendisyun na kang Abraham: maging bandi mu sana ing gabun a pitutuknangan mu, ing gabun a binie na kang Abraham.

Genesis 32:30

Inya i Jacob inaus neng Peniel ing lugal a ita, ngana wari, Ing lupa na ning Dios, uling ikit ne lupa ing Dios, oneng e ya ninanu balang.

Genesis 33:20

Karin ya ginawang altar at inaus neng El, ing Dios ning Israel.

Genesis 35:12

Ibabie ke keka at karing lahi mu ing gabun a binie ku kang Abraham at kang Isaac.

Genesis 35:7

Karin ya ginawang altar at inaus neng El-Betel ing lugal a ita, uling karin ya pepakit ing Dios inyang tatakas ya king kapatad na.

Genesis 50:24

Nganang Jose karing kapatad na, Malapit na kung mate. Pero e na kayu paburen ning Dios. Ilual na kayu king bansang iti at idala king gabun a pengaku na kang Abraham, Isaac, at Jacob.

Genesis 8:20

Kaybat na nita, mitalakad yang altar i Noe para king Ginu. Kinangwa yang tunggal-tunggal karing animal ampon ayup a malinis, at kaybat inain na la at dilukan babo na ning altar.

2 Samuel 24:25

Kaybat na nita, pepagawa yang altar para king Ginu, at karin na la inain ding ain-a-durulukan ampon ding ain-pamisulusulu. Inya pekiramdaman na ning Ginu ing panalangin na at mewala ing salut a makamate karing memalen na ning Israel.

1 Ari 18:32

King kapamilatan da ring batu linarin ne ing altar para king lagyu ning Ginu. Ginawa yang paligi king makapadurut ning altar a maglaman aduang tukung a danum.

1 Cronica 16:16

Ing kasunduan a gewa na kang Abraham, ing pangaku na kang Isaac, deti tuparan na la ngan.

1 Cronica 16:18

Ngana, Keka ibie ke ing gabun ning Canaan bilang mana a kekang pibandian.

2 Cronica 20:11

Oyni ngeni ing inablas da kekami. Dinatang la ban itabi da kami king gabun a binie mu kekami bilang mana.

2 Cronica 20:7

Aliwa wari ika ing kekaming Dios, at aliwa wari ika ing mitabi karing tau na niting bansa ban kanita aibie me karing memalen mung Israelita a lahi nang Abraham a kekang kaluguran ban maging bandi ra king kapilan pa man?

Ezra 3:2

Kanita i Jesua, ing anak nang Jozadak, at ding kayabe nang pari ampon i Zerubabel, ing anak nang Sealtiel, at ding kamaganak na mitipun la ban larinan ya ing altar ning Dios at karin da dulukan ing yayain dang ain, agpang king makasulat king Kautusan nang Moises, ing tau ning Dios.

Exodo 17:15

Mitalakad yang altar i Moises at inaus neng Ing Ginu ya ing kanakung Bandera.

Exodo 24:4

Binili na ngan Moises king metung a kasulatan ing sablang inutus na ning Ginu. Itang kabukasan abak a maranun mitalakad yang metung a altar king lele ning bunduk, at saka ya mitalakad labing aduang asias a batu; mangaintulid ya ing balang metung kareti king metung karing labing adua nang tribu ning Israel.

Exodo 32:13

Ganakan mu la ding talasuyu mung di Abraham, Isaac, at Jacob. Ganakan mu itang masusing pangakung binie mu karela king dinan mu lang lahing kasing dakal da ring batuin king banua, at king babie mu karing lahi da ing sablang gabun a pengaku mung pabandi karela king kapilan pa man.

Exodo 33:1

Nganang sinabi ning Ginu kang Moises, Mako na kayu king lugal a iti; ilako mu na la keti ding memalen a liwal mu ibat king Ehipto at munta na kayu king gabun a pengaku kung ibie kari Abraham, Isaac, Jacob, at karing lahi ra.

Exodo 6:3

Pepakit ku kang Abraham, kang Isaac, at kang Jacob bilang Dios a Mayupayang tutu, oneng e ke pepabalu karela king ing lagyu ku Ginu.

Exodo 6:4

Ginawa ku namang kasunduan karela at pengaku ku karela king ibie ke ing Canaan, ing gabun nung nu la mekipamalen bilang dayuan.

Jeremias 3:18

Makiabe ya ing Israel king Juda at ilang adua miyabe lang lumual ibat king pangayugse ra king bansang atyu king dane norti, at magbalik la king bansang binie ku karing makatua da. Maging pibandian da iti kabang panaun.

Ding Bilang 26:53

Pirakerakayan me ing gabun agpang king bilang da ring balang tribu.

Ding Bilang 32:11

Uling e la memintu kanaku king mabilug dang pusu, ala metung mang miras king gabun a pengaku kung ibie kang Abraham, Isaac, at Jacob karing lalaking ibat king Ehipto a magumpisa king idad aduang pulung banua.

Ding Dapat 7:5

E ne dininan ning Dios agyang malati mung dake king gabun a iti para maging bandi nang sariling Abraham; oneng pengaku na ning Dios king ibie ne keya at maging bandi neng sarili, at miyabie ya karing maging lahi na. Ala ya pang anak i Abraham kanitang oras a pengaku na ning Dios ing makanyan.

Roma 9:8

Ing buri nang sabian niti king ding anak a mibait ketang natural a paralan e na la anak ning Dios; nune ding anak a mibait bilang bunga na ning pangaku ning Dios ila ding makilalang tune lahi.

Galacia 3:16

Ngeni, mengaku ya ing Dios kang Abraham at king lahi na. E na sasabian ning kasulatan, at karing kekang lahi, ngana wari, karing dakal a tau. Ing sasabian na, at king kekang lahi, ngana wari, king katau mu a i Cristo.

Galacia 4:28

Ngeni, kapatad, ikayu ding anak na ning Dios uli na ning pengaku na, antimo i Isaac.

Deuteronomio 1:8

Iti ngan ing sablang gabun a pengaku kung ibie karing makatua yung i Abraham, Isaac, at Jacob ampon karing lahi ra. Lumakad na kayu at sakupan ye.

Deuteronomio 30:20

Luguran ye ing Ginung kekayung Dios, mamintu kayu karing utus na at manatiling tapat ban kumaba ing bie yu karin king gabun a pengaku nang ibie karing makatua yung i Abraham, i Isaac, at i Jacob.

Deuteronomio 34:4

Kaybat na nita, ngana ning Ginu kang Moises, Oyan ing gabun a pengaku ku karing makatua yung i Abraham, i Isaac, at i Jacob at ibie ke iti karing maging lahi ra! Pepakit ke keka oneng e ka malyaring miras keting gabun.

Deuteronomio 6:10

Malapit na na kayung idala ning Ginung Dios king gabun a pengaku nang ibie karing makatua yung i Abraham, Isaac, at Jacob. Abandi yu la ding mangaragul at mangasanting a siudad a e yu telakad.

Deuteronomio 9:5

E uli na ning mayap kayu o darapat ketang matulid inya abandi ye ing gabun, nune uli na ning e la mayap at uli na ning buri nang tuparan itang pangaku na karing makatua yung i Abraham, Isaac, at Jacob.

Hebreo 11:13

Mete la ngan deting taung ating kasalpantayanan. Wa, ila mismu e ra tinggap itang pengaku na ning Dios, oneng kanita pang marayung panaun a ita ikit da at ketula ampon masala rang kilala king ila dayuan la at maglakbe mu keti king yatu.

Hebreo 11:8

Uli na ning kasalpantayanan nang Abraham, pemintuan na itang aus na ning Dios keya. Minta ya king balen a pengaku nang ibie ning Dios keya. Likuan ne ing sarili nang balen agyamang e na balu itang pupuntalan na.

Josue 1:6

Tatagan mu ing lub mu at magtiwala ka uling ika ing manimuna kareting taung deti kabang sasakupan de iting gabun a pengaku kung ibie karing makatua da.

Josue 22:10

Inyang ding tribu nang Ruben, Gad, at ning Manase ning dane Aslagan miras la Gelilot, atyu la pa mu rin kanita king dane albugan ning Jordan, mitalakad lang maragul at matas a altar karin king pampang ning ilug.

Josue 8:30

Kaybat na nita, mitalakad yang altar i Josue king Bunduk ning Ebal para king Ginu, ing Dios ning Israel.

Ukum 6:24

Inya mitalakad yang altar i Gideon karin para king Ginu at inaus ne iting Kapayapan ya ing Ginu. Atyu ya pa angga ngeni iting altar king Ofra a bandi da ring pamilya nang Abiezer.

1 Samuel 7:17

Kaybat magbalik ya Rama, uling karin ya manuknangan at manungkulan bilang ukum na ning Israel. Karin ya naman mitalakad metung a altar para king Ginu.