Genesis 12:2 - Ing Mayap a Balita Biblia

² Gawan da kang metung a maragul a bansa at bendisyunan da ka. Maging pikabaluan ka lagyu at manatad kang bendisyun.

Genesis 12:2 Iomraidhean Croise

Genesis 13:16

Parakalan ku lang anti ing alikabuk na ning yatu ding kekang lahi; nung sakaling abilang da ing alikabuk ning yatu, kanita abilang da la naman ding lahi mu.

Genesis 15:5

Tiki ne i Abram lual na ning tolda at ngana, Talanga ka at lumawe king banua at bilangan mu la ding batuin, nung arapat mu. Makanyan la karakal ding maging lahi mu.

Genesis 17:20

Ibie ku ing aduan mu para kang Ismael; bendisyunan ke, dinan keng pibandian, at parakalan ku la ding lahi na. Maging tatang de ring labing aduang prinsipi, at maging tatang ne ning metung a bansang maragul.

Genesis 18:18

ngening malapit neng maging metung a bansang maragul ampon mayupaya, at kang Abraham da atagpuan ding sablang bansa keti king yatu ing karelang ikasaplala?

Genesis 18:19

Pinili ke ban ituru na la ding anak na at ing lahi na king pamanupad karing utus ku king kapamilatan na ning pamaniapat da king matulid at king karapatdapat. Tuparan ku naman kanita ing pangaku ku kang Abraham.

Genesis 19:29

Kanitang lesak na la ning Dios ding siudad ning kapatagan aganaka ne i Abraham. Inya segipan ne i Lot king parusang pepagpa na karing siudad nung nu ya manuknangan.

Genesis 24:1

Ngeni tutu neng matua i Abraham. Binendisyunan ne ning Ginu king sablang bage.

Genesis 24:35

Binendisyunan ne ning Ginu ing panginuan ku at gewa neng mabandi. Dininan neng kawan a tupa at baka, dakal a pilak at gintu, lalaki at babaing ipus, kamelyu, at asno.

Genesis 25:11

Kamate nang Abraham, binendisyunan ne ning Dios ing anak nang i Isaac a menuknangan malapit Beer-lahai-roi.

Genesis 26:3

Manatili ka king lugal a ita. Antabayanan da ka at bendisyunan da ka. Ibie ku keka at karing maging lahi mu ing kabilugan a gabun at tuparan ke ing pangaku ku kang tata mung i Abraham.

Genesis 26:4

Parakalan ku la ding lahi mu; maging kasing dakal da la ding batuin king banua at ibie ku ngan karela ing gabun a iti. Aduan da ring bansa ing bendisyunan ku la nung makananu ku lang binendisyunan ding lahi mu.

Genesis 27:29

Suyuan da ka sana ding tau, at dukuan da ka sa ring bansa. Panginuan da ka ring kapatad mu, at dukuan da ka ring anak nang ima mu. Misumpa la sana ring maniumpa keka, at mibendisyunan la ring magbendisyun keka.

Genesis 28:14

Maging kasing dakal da la ning alikabuk ning yatu ding lahi mu at kalatanan de ing albugan, ing aslagan, ing norti, at ing mauli. Atagpuan da ring sablang bansa keti king yatu ing bendisyun keka at karing lahi mu.

Genesis 35:11

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela.

Genesis 46:3

Ngana ning Dios, Aku ing Dios, ing Dios nang tata mu. E ka tatakut munta Ehipto uling karin da ka gawan metung a maragul a bansa.

2 Samuel 7:9

Kayabe mu ku nu ka man minta at ikit mu ing simbut ku la ding sabla mung kalaban. Ngeni, gawan keng lalung marangal ing lagyu mu kesa karing pikabaluan a manimuna ning yatu.

1 Ari 1:47

E mu ila, dinatang la pati ring tagapayu ning ari ban dinan yang mayap a oras ing Makamal a Aring David. Ngara, Mananu na sanang ing Dios yu gawan neng maygit a pikabaluan i Solomon at mas mapalad kesa kekayu ing pamag-ari na. Kaybat na nita, dinuku ya king katri i Aring David

Job 35:8

Ing kalupa mung tau ya ing magdusa karing kekang pamikakasala, at king mayap munaman ya ing misasaupan.

Ding Dalit 107:38

Binendisyunan na la at peparakalan a bilang; merakal pati ding sese dang animal.

Exodo 1:7

Oneng menganak la ding Israelita a lahi da at merakal na lang merakal; mabilis lang merakal at tutung masikan angga king milaganapan ya karela ing Ehipto.

Exodo 32:10

Inya paburen mu ku ngeni. Mua ku karela at paten ku la. Pero ika at ding lahi mu gawan da kayung metung a marangal a bansa.

Isaias 51:2

Ganakan ye ing makatua yung i Abraham, at i Sarah nung kenu kayu menibatan. Ala yang anak i Abraham inyang inaus ke, oneng kaku yang binendisyunan at dininan dakal a anak; e la abilang-bilang ding keyang lahi.

Ezekiel 34:26

Bendisyunan ku la at paintulutan ku lang mibiebie makapaligid king banal kung bunduk-bundukan. Bendisyunan ku la karin king kapamilatan na ning uran potang kailangan da iti.

Mikeas 7:20

Ipakit mu ing katapatan mu at ing ala mung kupas a lugud karing kekang memalen, ding lahi nang Abraham at Jacob, antimo ing pengaku mu kanitang minunang panaun karing makatua mi.

Zacarias 8:13

Memalen ning Juda at Israel! King milabas a panaun mipapaniumpa la ding dayuan kapamilatan na ning pamagsalitang Dugpa sana keka ing kasiran a digpa king Juda at Israel! Oneng iligtas da kayu at kaybat na nita, detang dayuan a deta sabian da king metung at metung, Mibendisyunan ka sa antimo ing Juda at Israel! Inya tatagan yu ing lub yu at e kayu sa mitatakutan.

Ding Bilang 14:12

Paten ku la king kapamilatan na ning salut a ipagpa ku karela. Ilako ku ing mana ra, oneng ika gawan da kang tata na ning metung a bansa at mas mayupaya kesa karela.

Ding Bilang 22:12

Ngana ning Dios kang Balaam, E ka sukat makiabe kareng taung den; binendisyunan ku la ring taung binggitan da keka, inya e mo susumpa.

Ding Bilang 23:20

Atin kung tinggap a utus ban mamendisyun; atin neng binendisyunan at ita e ku malyaring alilan.

Roma 4:11

Bandang tauli ya pa mu mesirkunsisyun at ing pangasirkunsisyun na metung yang palatandanan a patutu king ing kasalpantayanan na king Dios ya ing sangkan nung inya tinggap neng banal ning Dios kanitang e ya pa mesirkunsisyun. Makanyan yang malilyaring tata rang espiritual i Abraham ding sablang maniwala king Dios. At tatanggapan na lang banal ning Dios agyamang e la mesirkunsisyun.

Galacia 3:14

Depatan nang Cristo iti ban ing bendisyun a pengaku na ning Dios kang Abraham miyabie karing paganu king kapamilatan nang Cristo Jesus. Kanita itamu, king kapamilatan na ning kasalpantayanan, malyari ta yang tanggapan ing Espiritung pengaku na ning Dios.

Galacia 3:7

Uli na niti, kailangan yung kilalanan king ding taung ating kasalpantayanan ila ding tune nang lahing Abraham.

Deuteronomio 26:5

Kaybat na nita, sabian yu arapan na ning Ginung kekayung Dios: Metung yang Arameo i tata ku a alang tuknangan. Malati ya mu ing pamilya na inyang minta ya Ehipto, at karin ya menuknangan. Oneng dinatang ing panaun a meging marakal ya, maragul, at mayupayang bansa.