Genesis 12:1 - Ing Mayap a Balita Biblia

¹ Ngana ning Ginu kang Abram, Lakuan me ing balen mu, ding kamaganak mu, at ing pibalebale nang tata mu, at munta ka king bansang ituldu ku keka.

Genesis 12:1 Iomraidhean Croise

Genesis 15:7

Kanita sinabi na, Abram, aku ing Ginu a kinangwa keka ibat Ur da ring Caldeo ban ibie keka iting gabun a iti bilang bandi mu.

Genesis 20:13

Ngaku kang Sarah inyang sabian na ning Dios kanaku ing lakuan ke ing pibalebale nang tata ku, Ipakisabi kung mayap keka king sabian mu ing kapatad mu ku nu kata man miras.

Genesis 24:38

Pepangaku na kanaku king munta ku karing kamaganak na, king pibalebale nang tata na at ilawe keng ayasawa na ing anak na.

Genesis 24:4

Ing buri ku munta ka king balen ku at karing kamaganak ku at karela me pilinan ing maging asawa nang Isaac.

Genesis 24:7

Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

Genesis 26:2

Pepakit ya ing Ginu kang Isaac at ngana, Isaac, e ka pupunta Ehipto nune manatili ka king lugal a ituru ku keka.

Nehemias 9:7

Ika ing Ginung Dios, ing memili kang Abram at milual king Ur ning Babilonia; Abraham ing pemalagyu mu.

Isaias 37:12

Ding makatua ku ila ding linasak karing siudad na ning Gozan, Haran, at Resef, at ila ding mekamate karing memalen na ning Beteden a manuknangan king Telasar. Ala metung man karing dios da ing mekapagligtas karela.

Isaias 41:9

Kinua da ka ibat karing wakas ning yatu; inaus da kang ibat karing suluk nang pekamarayu. Ika ing kakung talasuyu, ngakung sinabi keka. E ra ka pepaburen, nune pinili da ka.

Isaias 51:2

Ganakan ye ing makatua yung i Abraham, at i Sarah nung kenu kayu menibatan. Ala yang anak i Abraham inyang inaus ke, oneng kaku yang binendisyunan at dininan dakal a anak; e la abilang-bilang ding keyang lahi.

Ezekiel 33:24

Ngana, Anak ning tau, ding taung manuknangan karing siudad a melasak ning bansang Israel sasabian da: Bukud yang metung i Abraham, makanyan man mibie ya kang Abraham ing mabilug a bansa. Dakal tamu, inya ing bansa kekatamu ya ngeni.

Ding Bilang 10:30

Nganang Hobab, E ku bisa. Mas mayap ing muli na ku king balen kung tibuan at karing kamaganak ku.

2 Corinto 6:17

Inya ing Ginu sinabi na, Dumayu kayu karela, kawani kayu karela. E kayu tatagkil king nanumang marinat, at aku tanggapan da kayu.

Hebreo 11:8

Uli na ning kasalpantayanan nang Abraham, pemintuan na itang aus na ning Dios keya. Minta ya king balen a pengaku nang ibie ning Dios keya. Likuan ne ing sarili nang balen agyamang e na balu itang pupuntalan na.

Kapahayagan 18:4

At dimdam ku ne naman ing metung pang siwalang ibat banua. Ngana: Kabalen ku, dumayu kayu king Babilonia. E kayu makiyabe king pamikasala na, ban e kayu miparusan kayabe na!