Genesis 11:8 - Ing Mayap a Balita Biblia

⁸ Ibat karin peniambulat na la ning Ginu king mabilug a yatu, at tiknangan deng tatalakad ing siudad.

Genesis 11:8 Iomraidhean Croise

Genesis 10:25

Mika adua yang anak i Eber: Peleg ya lagyu ing pangane uling king panaun na mepidua ya ing yatu. Joktan ya lagyu ing kapatad na.

Genesis 10:32

Ila deti ring lahi da ring anak nang Noe agpang karing pipumpunan da at bansa. Ila ding penibatan da ring miyayaliwang bansa keti king yatu kaybat nang milyari ning albug.

Genesis 10:5

Deting mebanggit ila ding lahi nang Jafet at menibat la karela ding bansang manuknangan karing lele na ning dagat at karing pulu: atin yang sariling bansa at salita ing balang metung karela.

Genesis 11:4

Tara, ngara, mitalakad tamu ngening metung a siudad at gawa tamung toreng miraras banua ba tamung maging pikabaluan at e misalbag king mabilug a yatu.

Genesis 11:9

Ita ya ing sangkan nung inya inaus deng Babel ing lugal a ita uling karin ne giluan ning Ginu ing salita da ring tau ning mabilug a yatu at simbulat ding tau king mabilug a yatu.

Genesis 49:7

Isumpa ing mabangis dang mua, antimu rin ing ugali dang mabagsik. Pangalat ku la king bansa nang Jacob, at isambulat king mabilug a Israel.

Ding Dalit 33:10

Ing Ginu ya ing sisira king tatangka da ring bansa; bibiguan nang e mayap dang nasa.

Ding Dalit 92:9

Wa, Ginu, ding sablang kekang kalaban magisan la ngan, at masambut ding darapat kasalanan.

Lucas 1:51

Inatiat ne ing mayupaya nang takde, at simbulat na la ding mangatas a lub ketang kapalaluan ning karelang nasa.

Deuteronomio 32:8

Inyang binie ne ning Kakataskatasan a Dios ing gabun bilang karelang mana, at inayus grupu-grupu ding Israelita tikda ne ing angganan ning sakup da, agpang king karelang bilang.