Genesis 11:4 - Ing Mayap a Balita Biblia

⁴ Tara, ngara, mitalakad tamu ngening metung a siudad at gawa tamung toreng miraras banua ba tamung maging pikabaluan at e misalbag king mabilug a yatu.

Genesis 11:4 Iomraidhean Croise

Genesis 6:4

Karing aldong deta ating linto higanti king yatu; anak da la reti ding anak na ning Dios karing anak dang babai ding tau. Ila ding bayani na ning minunang panaun; tau lang pikabaluan.

2 Samuel 8:13

Lalu yang meging pikabaluan a lagyu i David inyang mibalik ya kaybat na lang apate king Kapatagan ning Asin ding walung pulung libung Edomita.

Ding Dalit 107:26

Tinas na lang matas a matas ding barku da; at kaybat sildak na la angga king kalalalaman. Mesira la lub; bala ra mate no ngan.

Ding Dalit 92:9

Wa, Ginu, ding sablang kekang kalaban magisan la ngan, at masambut ding darapat kasalanan.

Ding Kasebian 10:7

Anting bendisyun e la makalinguan ding taung mayap, oneng makakalinguan lang agad ding taung e mayap.

Jeremias 51:53

Nung sakali mang aukiatan ne ning Babilonia ing banua at makagawang matibe kuta karin, makanyan man, mitubud ku ring tau karin ban lasakan de. Aku, ing Ginu, ing migsalita.

Daniel 4:11

Meragul neng meragul angga king miras ya banua at akakit de ring heganaganang tau king yatu.

Daniel 4:22

Makamal a Ari, ikayu ing tanaman a yan; matas at masikan. Meragul kayung e mu nanu angga king miraras kayu banua at lalaganap ing kekayung upaya king mabilug a yatu.

Daniel 4:27

Inya Makamal a Ari, tukian yu ing kanakung payu. Tuknang na kayung darapat pamikasala, gawan yu itang matulid, at maging mapaglunus kayu karing pakakalulu. Kanita manatili kayung payapa pamibiebie.

Daniel 4:30

ngana, Karagul na pin pa la ning siudad ning Babilonia! Telakad ke bilang kanakung sentrung siudad ban ipakit ku ing kanakung upaya at sikanan, ing kanakung ligaya, at kamalan.

Lucas 1:51

Inatiat ne ing mayupaya nang takde, at simbulat na la ding mangatas a lub ketang kapalaluan ning karelang nasa.

Juan 5:44

Makananu kayung makapaniwala ngening pagnasan yung tanggap kapurian ibat karing tau, at e yu pagnasan ing tanggap kapurian a manibat king bukud mung Dios?

Deuteronomio 1:28

Obat kailangan pa ing munta tamu karin? E masanting ing belita da ring taung pepagispian tamu karin, uling sinabi ra king ding taung manuknangan karin mangatas la at mangasikan kesa kekatamu at manuknangan la karing siudad a paka pader a miraras king banua. Higanti la ding ikit dang tau karin!

Deuteronomio 4:27

Iyugse na kayu ning Ginu karing bansa da ring dayuan at ditak la mu ding mitagan kekayu.

Deuteronomio 9:1

Memalen ning Israel, makiramdam kayu king sabian ku. Lipatan ye ngening aldong iti ing Ilug ning Jordan ban sakupan yu la ding bansang mas maragul at mayupaya kesa kekayu. Maragul la ding siudad da at pakapader lang matas a miraras banua.