Genesis 10:9 - Ing Mayap a Balita Biblia

⁹ Metung yang matapang a mangasu king saup na ning Ginu. Makanyan ya penibatan ing kasebian Kalupa nang Nimrod maging matapang ka sanang mangasu king saup na ning Ginu.

Genesis 10:9 Iomraidhean Croise

Genesis 10:10

King pasimula ing kayarian na ila ding Babilonia, Erek, at Akkad. Atyu la ngan deti king sakup na ning Sinar.

Genesis 10:8

I Cus ya i tata nang Nimrod. Ya ing mumunang taung pekamayupaya keti king yatu.

Genesis 13:13

Oneng tune lang e mayap ding memalen na ning Sodoma; maragul la kasalanan king Ginu.

Genesis 25:27

Meragul la ding anak. Mayap yang mangasu i Esau; magdatun ya king kaparangan. Samantalang i Jacob naman tau yang tahimik at maratun king toldang tuknangan da.

Genesis 27:30

Meko ya i Jacob kaybat nang mibendisyunan at itang paglako na ya naman ing panyatang nang Esau a ibat king pamangasu na.

Genesis 6:11

E ya mayap ing yatu king akakit na ning Dios at mitmu yang dewakan.

Genesis 6:4

Karing aldong deta ating linto higanti king yatu; anak da la reti ding anak na ning Dios karing anak dang babai ding tau. Ila ding bayani na ning minunang panaun; tau lang pikabaluan.

2 Cronica 28:22

Lalu yang meging e mayap i Aring Ahaz king panaun na ning kaligaligan na.

Ding Dalit 52:7

Oyan ing taung king Dios e bisang lumapit nune menalig king dakal nang pibandian; ing pemuhunan na ya ing ugali nang e mayap.

Isaias 18:2

Ibat king lugal a ita datang la ding tubud king Ilug ning Nilo; makasake la karing bangka a megawa king timbu. Muli na kayu, ikayung masalusung tubud! Idala yeng mibalik iting mensahi king bansa yung kewani da ring ilug, king masikan at mayupaya yung bansa, karing memalen yung matas at mapinu balat at pitatakutan da ring tau king mabilug a yatu.

Jeremias 16:16

Ngana pa ning Ginu, Mitubud kung dakal a manasan ban datang at dakap kareting tau. Kaybat mitubud kung dakal a mangasu a manintun karela king balang bunduk at bunduk-bundukan at karing lukib libutad da ring batung mangaragul.

Ezekiel 13:18

at sabian mu karela ing pasabi ku karela: Ikayung babaing propeta, makasumpa kayu! Ala kayung patugut manayi karing aptas a bibili yung peka anting-anting king pipulsuan ning bala namu at talukbung a panakap da ring sabla karing buntuk da ban mika upaya la karing aliwang tau. Buri yung akua ing upaya king bie at king kamatayan da ring kanakung memalen ban gamitan yu mu king sarili yung kapakanan.

Mikeas 7:2

Ala nang mitagan a taung malinis a pamibiebie king bansa at ala nang tapat king Dios. Manenaya yang oportunidad ing balang metung ban makamate king kalupa nang tau. Pakirakpan ne ning balang metung ing kabalen na.