Genesis 10:5 - Ing Mayap a Balita Biblia

⁵ Deting mebanggit ila ding lahi nang Jafet at menibat la karela ding bansang manuknangan karing lele na ning dagat at karing pulu: atin yang sariling bansa at salita ing balang metung karela.

Genesis 10:5 Iomraidhean Croise

Genesis 10:20

Ila deti ring anak nang Ham, agpang karing pamilya ra at salita, tuknangan, at bansa.

Genesis 10:25

Mika adua yang anak i Eber: Peleg ya lagyu ing pangane uling king panaun na mepidua ya ing yatu. Joktan ya lagyu ing kapatad na.

Genesis 10:32

Ila deti ring lahi da ring anak nang Noe agpang karing pipumpunan da at bansa. Ila ding penibatan da ring miyayaliwang bansa keti king yatu kaybat nang milyari ning albug.

Genesis 10:4

Ding anak nang Jaban ila di Elisa, Tarsis, Kitim, at i Dodanim.

Genesis 10:6

Oreni naman ding anak nang Ham: i Cus, Mizraim, Put, at i Canaan.

Genesis 9:19

Deting atlu ilang anak nang Noe at ilang penibatan da ring heganaganang tau king yatu.

Ester 10:1

Sapilitan na lang pepamayaran buis ning Aring Asueru ding taung sakup na at pati na ding atyu karing mangarayung pulu.

Ding Dalit 72:10

Ding ari ning Tarsis at ding aliwang kapuluan buis da king ari ibie ra; ding ari ning Arabia at ning Etiopia datang lang magdalang regalu para king ari mi.

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Isaias 24:15

at purian de retang atyu king Aslagan. Parangalan de ring taung manuknangan lele ning dagat ing Ginu, ing Dios ning Israel.

Isaias 40:15

Ala lang ulaga king Ginu ding bansa; e la man anting kapatak a danum king lawe na; anti lang alikabuk a mapinu ding marayung pulu.

Isaias 41:5

Ikit ding memalen da ring marayung bansa ing kakung depatan; mitakutan la at king takut da gagalgal la. Inya miyabe-abe la at datang.

Isaias 42:10

Magkanta kayung bayung kanta king Ginu; ing kapurian na ikanta yu king yatu! Purian ye, ikong maglayag king dagat; purian ye, ikong sablang lelangan a atyu king danuman! Magkanta kayu, ikong marayung pulu at ikong sablang manuknangan ken!

Isaias 42:4

E ya milako kapanayan o mina lub, at itatag na ing hustisia king yatu. Ing turu na panayan da ring bansang atyu king marayu.

Isaias 49:1

Makiramdam kayu kaku, ikong bansang marayu, ikong taung manuknangan king marayu! Bayu ku pa mibait, pinili na na ku ning Ginu at tilduan maging keyang talasuyu.

Isaias 51:5

Mamirapal kung datang ban iligtas ku la; ing oras ning pamagtagumpe ku malapit na. Aku mismu ing sumakup karing sablang bansa. Ing paniatang ku panayan da ring marayung bansa; manaya lang ating kapanaligan a iligtas ku la.

Isaias 59:18

Parusan na la ding kalaban na, agpang king depat da, pati na detang manuknangan karing marayung lugal.

Isaias 60:9

Barku lang ibat karing marayung bansa, piniling tau ning Dios yuyuli da la. Pilak at gintu ing darala ra ban ing lagyu ning Ginu parangalan da, ing banal nang Dios ning Israel a makipasari karing sablang bansa ban parangalan lang taung pinili na.

Jeremias 2:10

Munta ka king dane albugan king pulu ning Cyprus, at mitubud ka dane aslagan a sakup ning Kedar. Akit mu king ala pang bage milyaring kalupa ning keti.

Jeremias 25:22

ding sablang ari na ning Tiro, at Sidon; ding sablang ari da ring bansa ning Mediteraneo;

Ezekiel 26:15

Iti ing sasabian na ning Ginung Dios king siudad na ning Tiro: Potang masasambut na ka king labanan, mangilabut la ding taung manuknangan king lele ning dagat uli na ning saingsing da ring sugatan at kulisak da retang pamaten da.

Ezekiel 26:18

Ngeni, king aldo a mibagsak ya, galgal la ding pulu at manimutla ding memalen na king anti kaniting kasiran.

Daniel 11:18

Kaybat na nita, lusuban na la ding bansang atyu lele ning dagat at sambutan na la ding keraklan. Oneng sambutan ne ning metung a dayuan a pamuntuk at angganan na ing kapalaluan na. Wa, magbalik king ari ning Siria ing kapalaluan na.

Zepania 2:11

Papangilabutan na la ning Ginu. Gawan na lang alang kabaldugan ding kikilalanan dang dios na ning yatu, at samba ya ing balang bansa king Ginu king mismung sasakupan nang lugal ning balang metung karela.

Deuteronomio 32:8

Inyang binie ne ning Kakataskatasan a Dios ing gabun bilang karelang mana, at inayus grupu-grupu ding Israelita tikda ne ing angganan ning sakup da, agpang king karelang bilang.