Genesis 10:4 - Ing Mayap a Balita Biblia

⁴ Ding anak nang Jaban ila di Elisa, Tarsis, Kitim, at i Dodanim.

Genesis 10:4 Iomraidhean Croise

Genesis 10:5

Deting mebanggit ila ding lahi nang Jafet at menibat la karela ding bansang manuknangan karing lele na ning dagat at karing pulu: atin yang sariling bansa at salita ing balang metung karela.

1 Cronica 1:7

Ding anak nang Javan ila di Elisa, Tarsis, Kitim, at i Rodanim.

Isaias 23:1

Iti ya ing mensahi tungkul king Tiro. Ngulangul kayu, ikayung maglayag king dagat! Melasak ne ing kekayung sadsaran king Tiro; mesira la ding bale na at daungan. Miras kekayu iting balita kabang pauli la ding barku yung ibat king Kitim.

Isaias 23:12

Siudad ning Sidon, miyangganan na ing pamagmatas mu. Mayayalipusta la ding kekang memalen at e la rin miligtas agyang pang tumakas lang munta king Kitim.

Ezekiel 27:12

Mekipagkalakalan ka king Tarsis at tinanggap kang pilak, bakal, lata, at tinggaputi bilang kalibe ning dakal mung paninda.

Ezekiel 27:25

Seke mu ing kekang tinda karing maragul a barku a pisasakenan karga. Mengari ka king barku a maglayag king dagat, mitmu king kargang mabayat.

Ezekiel 27:6

Kinangwa lang tanaman a ensina king Bashan ban gawan dang kekang bagse. Gewa re ing kekang suelu karing dutung a pinu ning Cyprus, at belutanan deng garing.

Ezekiel 27:7

Megawa la ding kekang layag king imalan a linen, burdadung linen a menibat pa Ehipto; agad kang akilala agyang atyu ka king marayu. Megawa la ding kekang layag king pekamapinung imalan, king imalan a kule muradu ibat king pulu ning Cyprus.

Daniel 11:30

Datang lang pakabarku ding sundalus ning Roma at labanan de at mitakutan ya karela. Kaybat, magbalik yang mua at pagsikapan nang siran ing relihiun na ning balen ning Dios. Tukian na ing payu da retang ginulut king relihiun a ita.

Ding Bilang 24:24

Datang la ring barku ning Kitim ban lupigan ing Asur at ing Eber, oneng kaybat ila naman ding masintang.