Genesis 10:22 - Ing Mayap a Balita Biblia

²² Ila deti ring anak nang Sem: i Elam, Asur, Arpaksad, Lud, at Aram.

Genesis 10:22 Iomraidhean Croise

Genesis 10:21

I Sem, ing koya nang Jafet, ya i tata na ning penibatan da ring anak nang Eber.

Genesis 11:10

Ila deti ring lahi nang Sem. Kanitang dinalan yang banua i Sem ayanak ne i Arpaksad. Adua nang banua ing milabas kanita kaybat ning albug.

Genesis 9:26

Ngana naman, Purian ya ing Ginu, ing Dios nang Sem! Maging ipus ne i Canaan.

2 Ari 15:19

King panaun a ita, lisuban neng Aring Pul ning Asiria ing Israel. Atlung pulu't walung toneladang pilak ing binie nang Menahem kang Aring Pul ban saupan neng manatiling ari king Israel.

Job 1:17

Kabang magsalita ya pa, dinatang ne naman ing metung pang ipus at ngana, Selakayan da ke pu ding atlung grupung Caldeo; dela da la ring kamelyu at pete ding kekong ipus subali mu aku. Bukud mu pung aku ing mekatakas ban mamalita kekayu.

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Isaias 21:2

Menakit kung metung a vision tungkul karing bage mangapalyaring mitmung bigsikan; metung yang tagimpan ning kataksilan at kasiran. Sundalus ning Elam, lumusub ka! Sundalus ning Media, kubkuban mu na la ding siudad! Dinan na nang kawakasan ning Dios ing sablang kasakitan a pepasari na ning Babilonia.

Isaias 22:6

Pakakabayu la at pakakarung panggera ding sundalus na ning bansang Elam; pakasandata lang pana at paslu. Pakasadia na la naman ding kalasag da ring sundalus na ning bansang Kir.

Isaias 66:19

at abalu ra king aku ing mamarusa karela. Oneng itagan ku la ding mapilan karela at itubud ku la karing bansa at karing marayung lugal a e pa mibalitanan king kabantugan ku o e pa menakit king degulan ku at upaya: karin Tarsis, Put, at Lud at ding mangagaling dang mamana at karin king Tubal at Javan. Ihayag da libutad da reting bansa ing kanakung kayupayan.

Jeremias 25:25

ding sablang ari na ning Zimri, Elam, at Media; ing metung at metung karing sablang ari

Ezekiel 32:24

Atyu ya karin ing Elam; akit mu la nukarin mang suluk ding kutkutan da ring sundalus na. Mete la ngan deti king labanan at dinulung la ngan e mesirkunsisyun king tuknangan da ring mete. Takut ing silbag da kanitang mabie la, oneng ngeni mete na la at makapase alang dangalan.

Daniel 8:2

King vision kabud ku na ikit ing sarili ku king siudad ning Susa a makapadurut pader king probinsia ning Elam. Makatalakad ku lele ning Ilug ning Ulai.

Ding Bilang 23:7

Migsalita yang ula i Balaam. Ngana: Inyang atyu king Aram a bulubundukan ning aslagan, peparakit na kung Balak a ari ning Moab. Me keni, ngana kaku, isumpa me ing Israel at layun isakuil.

Ding Bilang 24:22

makanyan man, ikong Keniteo mawalan kong kabaldugan. E lumuat mabihag kayu kang Asur.

Lucas 3:36

a anak nang Cainan, a anak nang Arfaxad, a anak nang Sem, a anak nang Noe, a anak nang Lamec,

Ding Dapat 2:9

Atin kekatamung menibatan Partia, Media at Elam, atin munamang menibatan Mesopotamia, Judea at Capadocia; ating menibatan karin Ponto at Asia,