Genesis 10:10 - Ing Mayap a Balita Biblia

¹⁰ King pasimula ing kayarian na ila ding Babilonia, Erek, at Akkad. Atyu la ngan deti king sakup na ning Sinar.

Genesis 10:10 Iomraidhean Croise

Genesis 10:9

Metung yang matapang a mangasu king saup na ning Ginu. Makanyan ya penibatan ing kasebian Kalupa nang Nimrod maging matapang ka sanang mangasu king saup na ning Ginu.

Genesis 11:2

Kabang manintun lang pituknangan ding tau king bandang aslagan, miras la king lugal a patag king sakup ning Sinar at karin la menuknangan.

Genesis 11:9

Ita ya ing sangkan nung inya inaus deng Babel ing lugal a ita uling karin ne giluan ning Ginu ing salita da ring tau ning mabilug a yatu at simbulat ding tau king mabilug a yatu.

Genesis 14:1

Ketang panaun da ri Aring Amrapel ning Sinar, Aring Ariok ning Ellasar, Aring Kedorlaumer ning Elam, at Aring Tidal ning Goiim

Isaias 10:9

Simbut ku la ding siudad na ning Calno, Carkemis, Hamat, at Arpad. Simbut kia naman ing Samaria at Damasco.

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Isaias 39:1

Halus king panaun mu ring ita, ing ari na ning Babilonia, i Merodak Baladan a anak nang Baladan, abalitan na king mesakit ya ing Aring Hezekia at kaybat mipaldan ya. Uli na niti, peparala yang sulat at regalu.

Jeremias 21:2

Dapat a mayap, magsalita ka king Ginu para kekami, uling ing Aring Nebucadenesar ning Babilonia at ding sundalus nang pakasandata lisuban de ing siudad. Marahil makarapat yang metung a milagru ing Ginu para kekami ban matras ya i Nebucadenesar.

Jeremias 50:1

Iti ya ing mensahi a binie na ning Ginu kanaku tungkul king siudad ning Babilonia at karing memalen na:

Jeremias 50:21

Ngana ning Ginu, Lusuban yu la ding memalen na ning Marataim at ning Pekod. Paten yu la ngan at gisanan. Daptan yu ing sablang iyutus ku kekayu. Aku, ing Ginu, ing migsalita.

Ezekiel 27:23

Mekisaliwanan la ngan keka ding siudad ning Haran, Canne, at Eden, ding negosianti ning Seba, ding siudad ning Assur at Kilmad.

Daniel 1:2

Peintulut ning Ginu ing bihagan ne i Aring Jeoiakim ning Juda at kuanan ding mapilan nang kasangkapan ning Templo ning Dios. Tiki na lang migbalik kayabe na ding mapilan a bihag king templo da ring kikilalanan dang dios king Babilonia, at binili na la ding kasangkapan a ikua na king silid pisisinupan pibandian ning templo.

Amos 6:2

Munta kayu at lawan ye ing siudad ning Calne. Kaybat sumulung kayu king marangal nang siudad ning Hamat, at taglus kayung kuldas angga na king Gat a siudad da ring Filisteo. Mas mayap la wari kabilian kesa karing kayarian ning Juda at ning Israel? Mas malualas wari ing karelang sasakupan a gabun kesa king kekayo?

Mikeas 4:10

Memalen na ning Jerusalem, mamalipit na kayu at saingsing king kaplas anti ing babaing manganak, uling ngeni lakuan yu ne ing siudad at manuknangan kayu king marangle. Kailangan ing munta kayu Babilonia. Oneng karin iligtas na kayu ning Ginu karing kalaban yu.

Mikeas 5:6

At sambutan de king kapamilatan da ring karelang espada ing bansang Asiria, ing bansa nang Nimrod, at iligtas da katamu karing tau Asiria potang salakayan de ing bansa tamu.

Zacarias 5:11

Nganang mekibat, King Babilonia, nung nu la manalakad templo para kaniti. Potang mayari ne ing templo, ibili de karin ing kaing ban samban.