Genesis 1:9 - Ing Mayap a Balita Biblia

⁹ Kaybat ngana ning Dios, Mitipun ing danum lalam ning banua king metung a lugal ban palto na ing malanging gabun. At ita ing milyari.

Genesis 1:9 Iomraidhean Croise

Genesis 1:8

Inaus neng Banua ning Dios ing suklub. Miras ing bengi at dinatang ing abak. Ita ya ing kaduang aldo.

Nehemias 9:6

Kanita miyabe-abe reng sinabi iting manalangin: Bukud mung ika Ginu, ing Ginu; ika ing linalang king meto sikluban at karing batuin. Ika ing linalang king yatu, king dagat, at karing karela manuknangan; ika ing minie bie karela. Ding sablang upaya king banua duruku la at sasamba keka.

Job 26:10

Ginulis yang mabilug babo ning danuman ban ikawani na ing dalumdum king sala.

Job 26:7

Inatiat ne ing banua king dane norti, at binitin ne ing yatu libutad ning kalawakan.

Ding Dalit 104:3

at babo ning danuman telakad me ing kekang bale. Ding kekang peka karwahe ila ding biga, at babo ding pakpak ning angin ka makasake.

Ding Dalit 33:7

Ing danum ning dagat, at pati itang atyu king kalalaman titipunan na king metung a lugal.

Ding Dalit 95:5

Bandi ne ing dagat, uling ya ing linalang kaniti; bandi nia naman ing gabun, uling gewa nia naman iti.

Ecclesiastes 1:7

Mamagus ing danum da ring ilug king dagat, oneng angga man ngeni e ya pa mitmu. Kaybat magbalik ing danum karing ilug nung nu menibatan, at mabaldug na naman king dagat.

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Jonas 1:9

Nganang mekibat Jonas, Metung kung Hebreo. Sasamban ke ing Ginu, ing Dios ning banua at linalang king yatu at king dagat.

2 Pedro 3:5

Para karela alang kabaldugan king ing banua at yatu lelangan na la ning Dios king upaya na ning amanu na. Pepalto na ing gabun ibat king danum at libutad ning danum.

Kapahayagan 10:6

at sinumpa ya king lagyu ning Dios a mabibie kapilan man, ing linalang king banua, yatu, dagat, at karing sablang bage atyu kareti. Nganang sinabi, E na lumuat!