Genesis 1:3 - Ing Mayap a Balita Biblia

³ Ngana ning Dios, Mika ating sala at linto ing sala.

Genesis 1:3 Iomraidhean Croise

Genesis 2:4

Ita ya ing istoria na ning pangalalang ning banua at yatu. Kanitang lalangan ne ning Ginung Dios ing yatu at ing banua,

Job 36:30

Tutubud ne ing kildap king malualas a banua, oneng ing kalalaman ning dagat manatili king karalumduman.

Job 38:19

Balu me ing panibatan ning sala o ing panibatan ning karalumduman?

Ding Dalit 104:2

Makabalabal ka king sala! Laladlad me ing banua anting tolda,

Ding Dalit 118:27

Ing Ginu ya ing Dios; meging maganaka ya kekatamu! Kabang tatalan tamung sangang tanaman, pagmulan ing piesta at maglakad tamung makapadurut king altar.

Ding Dalit 148:5

Bustan yung ila ngan purian de ing lagyu ning Ginu! Minutus ya at melalang la;

Ding Dalit 33:6

King amanu na banua melalang ya, aldo, bulan, batuin, at aliwa pa.

Ding Dalit 33:9

Melalang ya ing yatu king metung nang amanu; minutus ya mu at ing sabla pepalto na.

Ding Dalit 97:11

Saslag ing sala para karing banal, at ing tula karing mayap a pilubluban.

Isaias 45:7

Lalalangan ku ing sala at dalumdum; parala kung kanawan at kapamahakan. Aku, ing Ginu, ing darapat kareti ngan.

Isaias 60:19

E mu ne maging sulu ing aldo king kayaldawan o ing bulan neng kabengian. Aku, ing Ginu, ing maging sulu mung alang kapupusan; ing sala ning kakung ligaya ya ing sunlag keka.

Mateo 8:3

Tigkil neng Jesus ing leprosuan at ngana, Buri ku; kumayap ka! Kanita mu rin kinayap ya king lepra na.

Juan 1:5

Saslag ya ing sala king karalumduman at e ne adaig ning karalumduman.

Juan 1:9

Iti ya ing tune sala a daratang king yatu ban munie sala karing sablang tau.

Juan 11:43

Pangasabi na niti, kinulait yang masikan. Ngana, Lazaro, lumual ka!

Juan 3:19

Ing kayatulan ya iti: dinatang ya ing sala keti king yatu, oneng aliwa ing sala ing liguran da ring tau, nune ing dalumdum uling e mayap ing dapat da.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

Efeso 5:14

at ing sablang mipamalino maging masala. Inya masasabi, Migising ka, ikang matudtud, talakad kang ibat karing mete! At aslagan na kang Cristo.

Efeso 5:8

King panaun a milabas atyu kayu king karalumduman, oneng ngeni atyu kayu king sala uling atyu kayu king Ginu. Mibiebie kayu antimo ing karapatdapat dang daptan ding taung atyu king sala.

1 Timoteo 6:16

Ya mung bukud ing alang kamatayan at manuknangan king aslag a e alapitan. Ala pang menakit king Dios o malyaring manakit king Dios. King Dios ing dangalan at ing kayupayan a alang angga! Amen.

1 Juan 1:5

Iti ya ing balita a dimdam mi king Anak na at babalita mi ngeni kekayu: ing Dios sala ya at alang nanumang dalumdum keya.

1 Juan 2:8

Makanyan man ituring yeng bayung kautusan iting susulat ku kekayu. Bayu ya, uling lilipas na ing karalumduman at saslag ne ing tune sala. Ing katutuan na niti meyakit king bie nang Cristo at mayayakit munaman iti kekayu.