Genesis 1:22 - Ing Mayap a Balita Biblia

²² Binendisyunan na la ning Dios at ngana karela, Magpakarakal kayu at katmuan ye ing dagat; ikayung ayup, magpakarakal kayu naman at katmuan ye ing yatu.

Genesis 1:22 Iomraidhean Croise

Genesis 1:21

Inya lelangan na la ning Dios ding maragul a asan ning danuman at ding sablang miyayaliwang kakawe king danuman at miyayaliwang ayup. Ikit na ning Dios king ita mayap.

Genesis 1:23

Miras ing bengi at dinatang ing abak. Ita ya ing kalimang aldo.

Genesis 1:28

Bendisyunan na la ning Dios at ngana, Magpakarakal kayu at katmuan ye ing yatu at sakupan ye. Ikayung mamahala karing asan king dagat, karing ayup, at karing heganaganang bage melalang a gagapang king yatu.

Genesis 30:27

Pekibat nang Laban, Jacob, oyni ing asabi ku keka. Apibulebule ku king kakung sibukan king binendisyunan na ku ning Ginu king uli mu.

Genesis 30:30

Ditak mu kanita ing bandi yu, oneng dakal na ngeni. Binendisyunan na kayu ning Ginu manibat na kanitang akayabe yu ku. Kapilan ku pa manatagan para king sarili kung pamilya?

Genesis 35:11

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela.

Genesis 8:17

Palualan mu la naman ding heganaganang mabie a kayabe yu: animal a malyap at matunud, pati na ding animal a gagapang at ding ayup. Paburen mong magpakarakal at kumalat king mabilug a yatu.

Genesis 9:1

Binendisyunan ne ning Dios i Noe at ding anak na. Ngana karela, Magpakarakal kayu at katmuan ye ing yatu.

Job 40:15

Lawan me ing dambualang Behemot; aku ing linalang king dambuala; aku munaman ing linalang keka. Kalupa ding baka dikut ing kakanan na,

Job 42:12

Binendisyunan ne ning Dios ing tauling dake ning bie nang Job maygit king minuna. Meging bandi na la ding labing apat a libung tupa, anam a libung kamelyu, libung kaparis a baka, at libung gaindung asno.

Ding Dalit 107:31

Uli ning alang kupas nang lugud, ing Ginu kailangan deng pasalamatan, alang-alang karing depat na para karela ngan!

Ding Dalit 107:38

Binendisyunan na la at peparakalan a bilang; merakal pati ding sese dang animal.

Ding Dalit 128:3

King pibalebale mu ing kekang asawa mangari ya king ubas a mabunga; ding anak mu mangari lang makapadurut a olibong tanaman.

Ding Kasebian 10:22

Ing bendisyun ning Ginu ya ing babie pibandian king tau. Ing pamagkapilit magobra e na ka agawang makualta.

Levitico 26:9

Bendisyunan da kayu at dinan dakal a anak. Tuparan ke itang dake ku king kasunduan a pikayari tamu.