21 Inya lelangan na la ning Dios ding maragul a asan ning danuman at ding sablang miyayaliwang kakawe king danuman at miyayaliwang ayup. Ikit na ning Dios king ita mayap.
Binendisyunan na la ning Dios at ngana karela, Magpakarakal kayu at katmuan ye ing dagat; ikayung ayup, magpakarakal kayu naman at katmuan ye ing yatu.
Lelangan na la ning Dios ding miyayaliwang animal, ding animal a antimo ding baka at miyayaliwa pang animal a gagapang king yatu. Ikit na ning Dios king ita mayap.
Inya ibat king gabun ing Ginung Dios miyubug yang miyayaliwang animal at miyayaliwang ayup. Dela na la king lalaki ban lawan na nung nanung iyaus na kareti. Ing lagyung binie na king balang metung kareti ya ing meging lagyu na.
Palualan mu la naman ding heganaganang mabie a kayabe yu: animal a malyap at matunud, pati na ding animal a gagapang at ding ayup. Paburen mong magpakarakal at kumalat king mabilug a yatu.
Liwas-liwas lang kinuldas king barku ding miyayaliwang uring animal a malyap at matunud, ding heganaganang ayup at animal a gagapang king gabun, tunggal-tunggal agpang king karelang lahi.
Oneng menganak la ding Israelita a lahi da at merakal na lang merakal; mabilis lang merakal at tutung masikan angga king milaganapan ya karela ing Ehipto.
Kumatmu ya karing tugak ing Ilug ning Nilo angga king sumaka la deti at miras king palasyu mu, king kuartung pitutudturan mu, king katri mu, karing bale da ring opisyal at bale ding memalen mu, at angga na karing ornu ampon kasangkapan a pigagawan tinape.
Ngana, Anak ning tau, dinan meng mabayat a babala ing ari na ning Ehipto. Ibie me iting mensahi ku: Mengari ka king leon libutad da ring bansa, oneng king kamatutuanan anti kang dapu a kakawe king ilug. Buburakan mu ing danum karing kekang bitis at dirinatan mu la ding ilug.
Nung makananung i Jonas menatili yang atlung aldo at atlung bengi king atian na ning maragul a asan, makanyan ya namang manatiling atlung aldo ampon atlung bengi ing Anak ning Tau king lalam ning gabun.