Genesis 1:16 - Ing Mayap a Balita Biblia

¹⁶ Lelangan na la ning Dios ding aduang maragul a sulu; sunlag ya ing maragul kareti kabang aldo at sunlag ya ing malati neng bengi. Lelangan na la naman ding batuin.

Genesis 1:16 Iomraidhean Croise

Genesis 1:15

at magsilbi lang sulu king sikluban na ning banua ban aslagan de ing yatu. At ita ing milyari.

Job 31:26

Kapilan man e ke simban ing aldo makaslag o ing bulan king keyang leguan.

Job 38:7

King munag sumala ning aldo a ita ding batuin miyabe-abe lang migkanta, at ding lelangan ning banua mengulisak la king tula ra.

Ding Dalit 148:3

Aldo at bulan, purian ye; purian ye, ikong sablang saslag a batuin.

Ding Dalit 148:5

Bustan yung ila ngan purian de ing lagyu ning Ginu! Minutus ya at melalang la;

Ding Dalit 19:6

King dane aslagan karin ya saslag ing aldo, lalbug ne man king dane albugan; king pali ning aldo ing sabla mirarasnan.

Ding Dalit 74:16

Lelangan me ing aldo at ing bengi, king bulan at karing batuin ika ing mibili;

Ding Dalit 8:3

Neng pagumasdan ke ing banua, ing banuang gewa da ring taliri mu; at ing bulan at batuin karin binili mu;

Isaias 13:10

Tuknang lang saslag ding batuin na ning banua; kulimlim ya ing aldo potang sunlag ya at e na ibie ning bulan ing sala na.

Isaias 24:23

Dalumdum ya ing bulan at e ne sunlag ing aldo uling ing maging ari ya ing Ginung Mayupaya. Sakupan ne ing Jerusalem a makatalakad babo ning Bunduk ning Zion at akit da ring manimuna da ring tau ing ligaya na.

Isaias 40:26

Talanga kayu banua! Ninu ing linalang karing akakit yung batuin? Ya itang karela tataid lulual anting kawal; balu na nung nu la anti karakal, at ausan ing balang metung king lagyu na! Uli ning degulan ning upaya na, metung man karela alang mawawala!

Isaias 45:7

Lalalangan ku ing sala at dalumdum; parala kung kanawan at kapamahakan. Aku, ing Ginu, ing darapat kareti ngan.

Jeremias 31:35

Papaslag ne ning Ginu ing aldo ban maging sala neng aldo, ing bulan, at ding batuin para king kabengian. Aligogon ne ing dagat ban miung ya; Ginung Mayupaya ing lagyu na.

Habakuk 3:11

King kislap ding mabilis mung paslu at ing kintab ning tandus mu, ing aldo at ing bulan tinuknang la king lakad da.

Mateo 24:29

E lambat kaybat ning kaguluan a mapalyari king panaun a ita, e na ibie ning aldo ing sala na, dalumdum ya ing bulan at manabu la ding batuin ning banua at milisia la ding planeta karing karelang dalan.

Mateo 27:45

Inyang ugtung aldo na meralumdum ya ing mabilug a bansa angga itang alas tres.

1 Corinto 15:41

Atin yang sariling leguan ing aldo; makayaliwa ing king bulan at ing karing batuin; agyang ding batuin e la paraparehu leguan.

Deuteronomio 4:19

Mingat kayu pota lumawe kayu king banua at kaybat samban ye at suyuan ing aldo, ing bulan, ding batuin o ing isanu mang bage lelangan na ning Dios para king tau.

Kapahayagan 21:23

E ne kailangan ing aldo o bulan ban aslagan ne ing siudad uling saslag karin ing ligaya na ning Dios at ing Kordero ya ing sulu.