Genesis 1:12 - Ing Mayap a Balita Biblia

¹² Pepalto na la ning yatu ding miyayaliwang klasing tanaman a ating bini at tanaman a mamungang ating butul kilub. Ikit na ning Dios king ita mayap.

Genesis 1:12 Iomraidhean Croise

Genesis 1:11

Kanita ngana ning Dios, Palto yang miyayaliwang tanaman ing gabun: balang uring tanaman a ating bini at balang uring tanaman a mamunga king yatu a ating butul kilub. At ita ing milyari.

Genesis 1:13

Miras ing bengi at dinatang ing abak. Ita ya ing katlung aldo.

Ding Dalit 104:14

Sagiwang dikut para karing animal kekang patubuan, at tanaman a gamitan ning tau ban pikuanan king kabiayan,

Isaias 61:11

Nung makananu lang sisibut at tutubu ding bini makanyan na lang iligtas ning Ginung Dios ding taung pinili na, at ding sablang bansa purian de ing Ginu.

Marcos 4:28

Ing gabun yang balang pasibut at babie bunga king tanaman; muna lunto ya ing bulung, kaybat ing buku, at kaybat ing bunga.

Lucas 6:44

Makikilala ya ing balang tanaman karing bunga na. E kayu mupul biabas nung ing tenam yu santol ya; e kayu munaman mupul ubas nung ing tenam yu lansonis ya.

2 Corinto 9:10

Ing Dios a babie karing bining itanam ning tatanam at king tinape a apangan na, ya naman ing munie bini kekayu at paragulan ne iti ban mamungang dakal ing kekayung mayap a pilubluban.

Galacia 6:7

E yu pipiraitnan ing kekayung sarili; e yu isipan king alinlang ye ing Dios. Nung nanu ing tenam ning tau, ya naman ing pupulan na.

Hebreo 6:7

Bibendisyunan na ning Dios ing gabun a maralas tatanggap uran, at tutubu la ding tanaman a malyari rang pakinabangnan ding mananaman.