Genesis 1:11 - Ing Mayap a Balita Biblia

¹¹ Kanita ngana ning Dios, Palto yang miyayaliwang tanaman ing gabun: balang uring tanaman a ating bini at balang uring tanaman a mamunga king yatu a ating butul kilub. At ita ing milyari.

Genesis 1:11 Iomraidhean Croise

Genesis 1:12

Pepalto na la ning yatu ding miyayaliwang klasing tanaman a ating bini at tanaman a mamungang ating butul kilub. Ikit na ning Dios king ita mayap.

Genesis 1:29

Ngana pa ning Dios, Lawan yu, babie ku la kekayu ding heganaganang tanaman a ating bini king mabilug a yatu at ing balang tanaman a mamungang ating butul kilub ban maging pamangan yu.

Genesis 2:16

Nganang minutus ning Ginung Dios king tau, Malyari kang mangan king isanu pa mang tanaman king mulahan,

Genesis 2:5

alang nanu pa mang tanaman king yatu at ala pang dikut a tutubu king marangle, uling e ya pa pepauran ing Ginung Dios king yatu at ala pang taung manasik king gabun.

Genesis 2:9

Pepatubuan na la ning Ginung Dios king gabun ding miyayaliwang tanaman a makayamang lalawan at maniaman kakanan at ing tanaman ning bie a atyu libutad na ning mulahan, at ing tanaman ning beluan tungkul king mayap at e mayap.

Job 28:5

Ing yatu ya ing panibatan ning pamangan ning tau, oneng lalam na pangulkulan da ne man, at pamirasuan.

Ding Dalit 1:3

Mengari ya king tanaman a tutubu lele ning danuman, at mamunga ya king keyang kapanaunan. Sagiwa lang parati ding keyang bulung; magtagumpe sabla nang daraptan.

Ding Dalit 147:8

Ing banua tatakpan neng biga; ya ing babie uran king yatu; king dikut karing bunduk ya ing patubu.

Isaias 61:11

Nung makananu lang sisibut at tutubu ding bini makanyan na lang iligtas ning Ginung Dios ding taung pinili na, at ding sablang bansa purian de ing Ginu.

Jeremias 17:8

Mangari ya king tanaman a tutubu lele ning batis, at miraras la king danum ding uyat na. E ya tatakut potang ing kaleldo daratang, uling manatili lang sagiwa ding bulung na; e ya maliligalig neng e mumuran; manatili yang mamunga.

Mateo 3:10

Ngeni pa makasadia neng dugpa ing palakul karing yamut da ring tanaman, ban ing isanu mang tanaman a e mikakabungang mayap, makutud ya at miyugse king api.

Mateo 6:30

Nung pipablasan ne ning Dios agyang ing dikut a atyu ngeni, oneng bukas maduluk ne king ornu, ikayu pa kaya ing e na piblasan? Karitak yu naman a kasalpantayanan!

Marcos 4:28

Ing gabun yang balang pasibut at babie bunga king tanaman; muna lunto ya ing bulung, kaybat ing buku, at kaybat ing bunga.

1 Corinto 15:38

Ing Dios ya ing patubu king katawan na ning bining mitanam at iti king paralan na, ing balang bini king sariling katawan na.

Hebreo 6:7

Bibendisyunan na ning Dios ing gabun a maralas tatanggap uran, at tutubu la ding tanaman a malyari rang pakinabangnan ding mananaman.

Santiago 3:12

Ing tanaman a higera, kapatad ku, kapilan man e ya makapamungang olibo ni ing ubas e ya malyaring mamungang biabas. E mu naman apikuanan danum a matabang ing danum a malat.