Filemon 1:9 - Ing Mayap a Balita Biblia

⁹ makanyan man, aku, i Pablo a ngeni matua na, at king kasalukuyan makasukul uli nang Cristo Jesus, pakisabian da kang mayap king lagyu na ning pamikalugud.

Filemon 1:9 Iomraidhean Croise

Ding Dalit 71:18

Ngening matua na ku at maputi na buak, O Dios ko, e mu ku sana lalakuan. Mantabe ka kaku kabang ipamalita ku pa karing lahing daratang ing kekang kayupayan at sikanan.

Ding Dalit 71:9

Ngening matua na ku, e mu ku sana lalakuan; e mu ku sana paburen ngening tatakasan na na ku ning kakung sikanan.

Ding Kasebian 16:31

Ing maputing buak korona ne ning maligayang dangalan; bunga ne ning malinis a pamibiebie.

Isaias 46:4

Aku ing kekong Dios; ingatan da kayu angga king tumua kayu at muti ing buak yu. Lelangan da kayu; ingatan da kayu; saupan at iligtas da kayu.

Roma 12:1

Inya, kapatad ku, king uli na ning maragul nang lunus ning Dios kekatamu, ipakisabi kung mayap kekayu: samban ye king kapamilatan na ning pamiyain yu karing kekayung katawan bilang mabie at banal a ain, tune babie tula king Dios. Iti ya ing tune kapanyamban a kailangan yung iyain keya.

2 Corinto 5:20

Uli na niti, atyu kami keti bilang pekakatawan nang Cristo; ing Dios ya na mismu ing mamaus kekayu king kapamilatan mi: alang-alang kang Cristo, makikasundu kayu king Dios.

2 Corinto 6:1

Anti na ning kayabe kami king obra na ning Dios, ipakisabi ming mayap kekayu king e yu sa payalan kabaldugan ing grasya a tinggap yu keya.

Galacia 3:26

King kapamilatan na ning kasalpantayanan karin kayu meging anak na ning Dios king pangayabe yu kang Cristo Jesus.

Efeso 3:1

Uli na niti, aku, i Pablo a preso nang Cristo Jesus, king uli yu, ikayung paganu, manalangin ku king Dios.

Efeso 4:1

Inya aku a makasukul king uli na ning Ginu, makisabi kung mayap kekayu king mibiebie kayu sana agpang king kailangan dang daptan ding inaus ning Dios.

Efeso 6:20

King uli na niting Mayap a Balita, aku mituburan ku, agyamang ngeni makasukul ku. Inya ipanalangin yu king apasiag ke iti king mitmung tetagan, antimo ing kailangan marapat.

1 Timoteo 1:12

Pasalamat ku kang Cristo Jesus a kekatamung Ginu uling dininan na kung sikanan para king obrang iti, at uling kilala na king karapatdapat ku inyang pinili na kung maging talasuyu na.

Tito 2:2

Panabilinan mu la ding makatuang lalaki king e la maglasing, maging marangal la, at biasang mamigil king sarili, matatag king karelang pamanialpantaya, malugud, at mapibabata.

Hebreo 13:19

Maygit king sabla, ipakisabi kung mayap ing ipanalangin yung makapagbalik kung agad kekayu.

1 Pedro 2:11

Kakaluguran, ausan da kayu kapanandaman, bilang dayuan a makayugse king aliwang balen. E kayu manusig karing buri na ning katawan yu, uling parati la deting lalaban king kekayung kaladua.

Ukum 21:22

Nung datang la kekayu ding karelang tata o kapatad at magreklamu la, malyari yung sabian karela, Ipakisabi mi ing e yu na la kakuanan kekami, uling e mi no man simsam kekayu king labanan ban maging asawa mi. At anti na ning e yu na la man binie kekami, e kayu mikasala king pengaku yu.