Filemon 1:6 - Ing Mayap a Balita Biblia

⁶ Ipanalangin ku king kabang darake mu karing aliwa ing kasalpantayanan mu akilala ra sa ing sablang mayap a atyu kekatamu a bunga na ning pangayabe tamu kang Cristo.

Filemon 1:6 Iomraidhean Croise

Mateo 25:16

Kanita mu rin, pemuhunan na la ding salapi ning tinanggap limang libung salaping gintu at apadobli na la king pakinabang.

Mateo 5:16

Makanyan ya namang sukat sunlag king arapan da ring tau ing sulu yu ban akit da ing dapat yung mayap, at paligayan de ing Ibpa yung atyu banua.

1 Corinto 14:25

mabalu la ding lihim nang isipan. Inya duku ya at samba king Dios at malaus ipasiag na, Tune ing Dios atyu libutad yu!

1 Corinto 16:9

Ating dakal a oportunidad keni ban makapagobra kung masalese agyamang dakal la ding kalaban.

Filipos 4:8

Katataulian, kapatad ku, katmuan yu lang parati ding isip yu karetang bage mayap at marangal: ding bage tutu, matas, ustu, malinis, kalugud-lugud, at mitmung dangal.

Colosas 1:9

Uli na niti, parati da kayung ipanalangin manibat na kanitang abalitan mi ing tungkul kekayu. Aduan mi king Dios ing katmuan na kayu sanang kabiasnan tungkul king kaburian na at king sablang beluan at pamanalastas a babie ning Espiritu.

Colosas 3:10

at miblas kayu king bayung pangatau. Iti ya ing bayung pangatau a mibabayung alang patugut at miwawangis king larawan na ning Dios a linalang kekayu; kanita miganap ing beluan yu tungkul king sarili na.

Tito 3:14

Ituru mu la ding kekatamung kapatad ban mabiasa lang gumamit king panaun da king pamaniapat mayap, at sikasuan da itang tune kailangan; e na la kabud mabibie makatungangu aldo-aldo.

Hebreo 6:10

Uling ing Dios tapat ya; e na kalinguan ing kekayung depat at ing lugud a pepakit yu, at angga man ngeni papakit yu king pamaniuyu yu karing kalupa yung Cristianu.

Santiago 2:14

Kapatad, nanung kwenta na nung sabian na ning metung a tau, Atin kung kasalpantayanan, oneng ing dapat na e na naman patutuan iti? Aligtas ne kaya ning anti kaniting kasalpantayanan?

Santiago 2:17

Makanyan ya naman ing kasalpantayanan: nung kabud ya mu pamaniwala, oneng ala ne mang dapat a mayayakit kayabe na, kasalpantayanan yang mete.

1 Pedro 2:12

Ing kekayung panugali libutad ding paganu sukat sanang maging kapuripuri. Kanita bisa la mang magsalitang kasiran laban kekayu, ala lang aliwang akit nune mu ding dapat yung mayap. Uli na ning mayap yung dapat purian de ing Dios king Aldo ning paniatang na.

1 Pedro 3:1

Makanyan munaman, ikayung babaing talasawa, pasakup kayu karing sarasarili yung asawa ban kanita nung ding aliwang lalaking talasawa e la pa maniwala king amanu na ning Dios, mayagkat la agyang e kayu magsalita king kapamilatan na ning ugali yu,

1 Pedro 3:16

Ingatan yeng malinis ing konsiensia yu ban kanita potang insultuan da kayu, detang maninsultu king mayap yung panugali, bilang talasuyu nang Cristo, ilang dili ra dumine la king sablang paniabian da laban kekayu.

2 Pedro 1:8

Ila deti ring miyayaliwang kayapan a kailangan atyu kekayu at palabungan ban ing pamangilala yu king Ginung Jesu-Cristo e mayalang kabaldugan at maging mapakinabang.