Filemon 1:24 - Ing Mayap a Balita Biblia

²⁴ antimu rin, di Marcos, Aristarco, Demas, at i Lucas a kayabe kung talapagobra.

Filemon 1:24 Iomraidhean Croise

Ding Dapat 12:12

Inyang api-isip-isip na ing milyari keya minuli ya king bale nang Maria a ima nang Juan Marcos. Disnan na lang makatipun at manalangin karin ding dakal a tau.

Ding Dapat 12:25

Ayari nang Bernabe at Saulo ing karelang misyun at migbalik la Jerusalem, at tiki re i Juan a mayayaus munamang Marcos.

Ding Dapat 13:13

Miglayag ya i Pablo at ding kayabe na manibat Pafos at miras la Perga, Pamfilia. Likuan na lang Juan Marcos karin at migbalik ya Jerusalem.

Ding Dapat 19:29

Mikalat ing kaguluan king mabilug a siudad. Ding mangulu dekap da la ri Gayo at Aristarco, ding aduang tau Macedonia a kayabe nang maglayag Pablo, keladkad da lang dela king teatro.

Ding Dapat 27:2

Sinake kami king barkung menibatan Adramitio, ing makasadia nang manulakan papunta karing sadsaran barku na ning probinsia ning Asia at miglayag na kami. Kayabe mi ya i Aristarco, ing metung a tau Tesalonica, Macedonia.

2 Corinto 8:23

Tungkul naman kang Tito, ya ing kayabe ku at kasaup kung susuyu kekayu. At tungkul naman karing kapatad a kayabe na ila ding pekakatawan da ring iglesia at babie lang ligaya kang Cristo.

Filipos 2:25

Inisip kung masanting ing paulian ku ne ken ing kapatad tamung i Epafrodito a megobra at minarap king labanan a kayabe ku at meging tubud-tuburan yu king pamipadala yung saup kanaku.

Filipos 4:3

At ika man, tapat kung kayabe, ipakisabi kung mayap ing saupan mu la sana deting aduang babai, uling migpakasakit la namang kayabe ku deting adua king pamikalat king Mayap a Balita at di Clemente, at ding aliwa pang kayabe kung megobra a ngeni makasulat a lagyu king libru ning bie.

Colosas 4:10

I Aristarco a kayabe ku keni king sukulan, pakomusta na kayu at antimu rin i Marcos a pisan nang Bernabe. (Penabilin ku neng minuna kekayu king tanggapan yeng matula, nung mipaindalan ya ken.)

Colosas 4:14

Ipayabut nang Lucas, ing pakamalan tamung doktor, at i Demas, ing karelang komusta.

1 Pedro 5:13

Ing iglesiang atyu Babilonia a mepiling abe yu, pakomusta na kayu at makanyan munaman ing ipayabut na ning anak kung i Marcos.

3 Juan 1:8

Sukat ta lang saupan deting tau ban mikadake tamu king pangalaganap na ning katutuan.