Filemon 1:21 - Ing Mayap a Balita Biblia

²¹ Paniwalan ku, kabang susulat ku iti, ing e mu pagkaymut daptan ing aduan ku keka; mapalyaring maygit pa king aduan ku ing daptan mu.

Filemon 1:21 Iomraidhean Croise

Roma 2:19

asisiguru mu king talataid na ka ning bulag, king metung kang sulu libutad ning karalumduman,

2 Corinto 2:3

Iti ya ing sangkan nung inya sinulat ke itang sulat a ita kekayu ban king pamunta ku ken e kalungkutan ing isagana yu kanaku, ikayu a kailangan munie tula kanaku. Uling paniwalan ku king ing tula ku tula yu munaman.

2 Corinto 7:16

Matutula ku uling lubus da kayung apagkatiwalan!

2 Corinto 8:22

Inya tutubud mi yang kayabe ra ing metung pang kapatad a asubukan mi nang maralas at ikit mi na sipagan. Lalu yang masipag sumaup ngeni uli na ning maragul nang tiwala kekayu.

Galacia 5:10

Makanyan man magtiwala ku pa mu rin kekayu. Ing pangayabe tamu king Ginu atdanan na kung kapanaligan king e kayu manaliwa pamalak tungkul king bage iti. Panaligan ku naman king ing taung manggulu kekayu, ninu ya pa man, parusan ne ning Dios.

2 Tesalonica 3:4

King uli na ning Ginu, maragul ing tiwala mi king daraptan yu la at isundung daptan ding bage a yuyutus mi kekayu.