Filemon 1:19 - Ing Mayap a Balita Biblia

¹⁹ Oyni, susulat ku king sarili kung gamat: Aku, i Pablo, bayaran da ka. (E ku na kailangan pang ipaganaka keka king ing kabud bie mu pikakautangan mung lub kanaku.)

Filemon 1:19 Iomraidhean Croise

Genesis 43:9

Ing bie ku ya ing maging kalibe na ning bie na at pakibatan ku ing nanumang malyari kang Benjamin. Nung e ke ituking magbalik kekayu, kanita aku ing parsalanan yu.

Roma 16:22

Aku, i Tercio a sinulat kaniti, ipayabut ku naman kekayu ing kanakung komusta bilang kapatad yu kang Cristo.

1 Corinto 4:15

Agyang mika apulu kayung libung maestro tungkul king pamibiebie Cristianu, atin kayung metung mung tata. Meging tata yu ku king pangayabe yu kang Cristo Jesus king kapamilatan na ning pamanaral ku kekayu king Mayap a Balita.

2 Corinto 10:1

Aku, i Pablo ing sasabian dang mapagpakumbaba ding mapilan pota mung kayarap da kayu, oneng matapang neng ala na ku king arap yu, ipakisabi kung mayap kekayu alang-alang king kapakumbaban at ganaka nang Cristo;

2 Corinto 3:2

Ikayu mismu ing kekaming rekomendasyun a makasulat karing pusu mi ban akilala ra at abasa ding sablang tau.

2 Corinto 9:4

Pota mipakarine kami at pati na ikayu, nung ating tau Macedonia a tuki kanaku at akit dang e kayu pala makasadia!

Galacia 5:2

Aku mismu i Pablo, ing sasabi kaniti kekayu: nung paintulut yung masirkunsisyun kayu pa, ing buri nang sabian niti king ala yang kasilbian kekayu i Cristo.

Galacia 6:11

Apagmasdan yu siguru ing maragul ya letra ing sulat a iti uling aku mismu ing susulat ngeni!

1 Timoteo 1:2

Miparala ya kang Timoteo, ing tune kung anak king kasalpantayanan. Mananu na sanang miyabie keka ing grasya, lunus at kapayapan a ibat king Dios Ibpa at Cristo Jesus a kekatamung Ginu.

Tito 1:4

Susulat ku iti kang Tito, ing anak kung tune king kasalpantayanan a kekaming pisanmetungan. Ing grasya at kapayapan ibie na sa keka ning Dios a Ibpa tamu at ning kekatamung Talapagligtas, i Cristo Jesus.

Filemon 1:18

Nung atin ya mang pinerhuisyu keka o atin yang utang keka, aku na ing mamayad.