Filemon 1:14 - Ing Mayap a Balita Biblia

¹⁴ Makanyan man, e ku buri ing anti da kang pamilitan sumaup kanaku. Nung saupan mu ku, buri ku ing kusang lub a manibatan keka. Inya e ku daptan ing nanuman nung e mu kaburian.

Filemon 1:14 Iomraidhean Croise

1 Cronica 29:17

Balu ku, O Dios, king sasalugsugan me ing pusu at tutula ka karing taung matulid. Iyain ku ngan iti king kusang lub. Ikit kung matula ing kalausan dang lub minie deting taung kekang memalen.

Ding Dalit 110:3

King aldo a arapan mu lang kekang kalaban, ding memalen magkusa lang ika ing karelang saupan; ibat king sagradung bunduk ding kayanakan datang lang anting ambun ning abak ban keka makiabe.

1 Corinto 9:17

Nung depat ku ing obra ku king sarili kung kaburian, atin kung asahan a mibayaran ku; oneng daraptan ku antimong katungkulan, uling peniwala na kanaku ning Dios iting obra.

1 Corinto 9:7

Ninu ing balu yung sundalus a beyaran na ing sarili nang gastus king pangasundalus na? Ninu ing ortelanung e mengan karing ubas a bunga da ring tenam na? Ninung pastul tupa ing e magkabie king gatas da ring papastulan na?

2 Corinto 1:24

E mi buring sakupan ing kekayung pamanialpantaya, uling matatag na kayu kasalpantayanan. Oneng miyabe-abe tamung magobra para king sariling ikatula yu.

2 Corinto 8:12

Uling nung laus king lub yu ing pamamie, tanggapan na ning Dios ing kekayung kagiwan; e na panenayan ing munie kayu king e yu agyu.

2 Corinto 9:5

Inya pekisabian ku la ding kapatad king muna na la ken ban asadia ra ing saup a pengaku yu. King makanyan a paralan lunto king kusang lub ing pamamie yu at e king sapilitan.

2 Corinto 9:7

Ing balang katau kailangan yang munie ketang inari na king lub na, laus a lub at e mapipilit, uling kaluguran ne ning Dios ing taung matulang babie.