Exodo 9:9 - Ing Mayap a Balita Biblia

⁹ Mikalat anting alikabuk a mapinu iting abu king mabilug a sasakupan ning Ehipto at nukarin man iti makapasaring tigsang nanaknak karing tau ampon karing animal.

Exodo 9:9 Iomraidhean Croise

Job 2:7

Kaybat na nita meko ne king arapan ning Ginu i Satanas, at pepalto na la kang Job ding bayang mangatdas king mabilug nang katawan, manibat king talampakan na angga na king bumbunan na.

Exodo 9:10

Inya kinangwa lang mapilan a kasakmal a abu at tinalakad la king arapan ning ari. Inatsa nang matas Moises iti at mekapasari king panga-tigsan da ring tau ampon ding animal. Nanaknak la deting tigsa.

Exodo 9:8

Kanita ngana ning Ginu kari Moises at Aaron, Kuma kayung mapilan a kasakmal a abu king pugun. Iyatsa nang matas Moises iti king arapan ning ari.

Deuteronomio 28:27

Pasakitan na kayu ning Ginu king kapamilatan na ning tigsa, itang tigsa a digpa karing tau Ehipto. Kumatmu ya ing katawan yu karing ulsera, langib, at buni a alang pangakayap.

Deuteronomio 28:35

Pasakitan na kayu ning Ginu king kapamilatan da ring tigsa king tud at bitis. E la kumayap deti at kumalat la king mabilug yung katawan.

Kapahayagan 16:2

Meko ya ing mumunang anghel at tigtug na king yatu ing laman na ning silyo na. Mika kaplas la at makapandiring sugat ding taung ating tatak ning animal a mabagsik at ding sinamba king larawan na.