Exodo 9:4 - Ing Mayap a Balita Biblia

⁴ At palto kung pamiyaliwa ra ding animal da ring Israelita ampon ding karing tau Ehipto. Alang bitasang mate karing sese rang animal ding Israelita.

Exodo 9:4 Iomraidhean Croise

Exodo 10:23

E la mikakit man ding tau Ehipto at alang mekalual king bale ra kilub ning panaun a ita. Oneng masala king lugal da ring Israelita.

Exodo 12:13

Maging palatandanan ya karing pibalebale yu ing daya karing amba da ring pasbul. Lagpusan da kayu potang akit ku ing daya, at e kayu midame potang pagpa ku ing parusa king bansang Ehipto.

Exodo 8:19

Ngara ding salamangkeru king ari, Ing Dios ya ing makirapat kaniti! Oneng masias ya pa mu rin pusu ing ari, antimo ing sinabi na na ning Ginu, at e ya bisang makiramdam kari Moises at Aaron.

Exodo 8:22

Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Exodo 9:26

Bukud mung ing sakup ning Gosen, nung nukarin la manuknangan ding Israelita, ing e na digpanan ning uran-lipat.

Exodo 9:5

Aku, ing Ginu, tikda ke ing aldo bukas ban daptan ku iti.

Exodo 9:6

Kabukasan, depatan ning Ginu itang sinabi na, at mete la ngan ding sablang animal da ring tau Ehipto, oneng alang mete metung man karing animal da ring Israelita.

Amos 4:7

E ku pepauran inyang kailangan da ring kekong tanaman ing uran. Pepauran ku king metung a siudad, oneng ali ku king aliwa. Miyuranan ya ing metung a marangle, oneng melangi ya ing aliwang marangle.

Malakias 3:18

Pasibayu rang akit ding taung kanakung pinili ing pamiyaliwa na ning bage mapalyari king taung mayap ampon king taung e mayap, king taung susuyu kanaku ampon king taung e susuyu kanaku.