Exodo 9:26 - Ing Mayap a Balita Biblia

²⁶ Bukud mung ing sakup ning Gosen, nung nukarin la manuknangan ding Israelita, ing e na digpanan ning uran-lipat.

Exodo 9:26 Iomraidhean Croise

Exodo 11:7

Maging ding asu e ra la kaungan ding Israelita o kaya ding sese rang animal. Kanita yu akilala king aku, ing Ginu, gagawa kung pamiyaliwa da ring tau Ehipto karing tau Israel.

Exodo 10:23

E la mikakit man ding tau Ehipto at alang mekalual king bale ra kilub ning panaun a ita. Oneng masala king lugal da ring Israelita.

Exodo 9:4

At palto kung pamiyaliwa ra ding animal da ring Israelita ampon ding karing tau Ehipto. Alang bitasang mate karing sese rang animal ding Israelita.

Exodo 12:13

Maging palatandanan ya karing pibalebale yu ing daya karing amba da ring pasbul. Lagpusan da kayu potang akit ku ing daya, at e kayu midame potang pagpa ku ing parusa king bansang Ehipto.

Exodo 9:6

Kabukasan, depatan ning Ginu itang sinabi na, at mete la ngan ding sablang animal da ring tau Ehipto, oneng alang mete metung man karing animal da ring Israelita.

Amos 4:7

E ku pepauran inyang kailangan da ring kekong tanaman ing uran. Pepauran ku king metung a siudad, oneng ali ku king aliwa. Miyuranan ya ing metung a marangle, oneng melangi ya ing aliwang marangle.

Exodo 8:19

Ngara ding salamangkeru king ari, Ing Dios ya ing makirapat kaniti! Oneng masias ya pa mu rin pusu ing ari, antimo ing sinabi na na ning Ginu, at e ya bisang makiramdam kari Moises at Aaron.

Jeremias 23:6

Potang ya na ing ari, mipanatag la bili ding memalen na ning kabilugan a Juda at mibiebie la ding memalen na ning Israel king kapayapan. Mayaus yang Ing Ginu ya ing Talapagligtas tamu.