Exodo 9:16 - Ing Mayap a Balita Biblia

¹⁶ Oneng pekikuanan kung e ka mate ban apakit ku keka ing upaya ku at mikalat king mabilug a yatu ing kabantugan ku.

Exodo 9:16 Iomraidhean Croise

2 Samuel 7:23

At ninu ing apakilimpi mu king balen mung Israel? Ya mung bukud ing bansa keti king yatu a inatbus mu king panga-ipus ban maging bandi mu. At mibantug ka king mabilug a yatu uli na ning maragul at makapagmulalang bage depat mu para karing memalen mu antimo ing pamanabi mu karing paganu at karing kikilalanan dang dios. Ikit da iti ring taung inatbus mu king Ehipto.

2 Ari 19:35

King benging ita minta ya king kampu da ring tau Asiria ing metung a anghel ning Ginu, at mekamate yang dinalan walung pulu't limang libung sundalus. Itang kabukasan a abak a maranun, inyang migising la ring memalen, ikit da lang pakapase; mete la ngan!

1 Cronica 16:24

Ing kayupayan na karing bansa sabian yu, at ding makapagmulalang dapat na karing sablang tau.

Nehemias 9:10

Ginawa kang bage pagmumulalan laban king karelang ari, karing pamuntuk at memalen na, uling pigbagsikan da la ring kekaming makatua. At ing Lagyu mu angga ngeni pikabaluan ya.

Ding Dalit 106:8

Makanyan man keka lang segipan antimo ing kekang pengaku, ban kekang ipabalu ing upaya ning kekang lagyu.

Ding Dalit 64:9

At ding sablang tau mitakutan la; karelang pibulayan sabla nang depatan, at karing aliwa karelang ibalita.

Ding Dalit 76:10

Ing mua ning tau lalu nang daragdagan ing kapurian keka; ding mitatagan king gera pagselebran da lang kekang piesta.

Exodo 14:17

Pasiasan ku la lub ding tau Ehipto ban dulung la naman para tagal kekayu, at kaybat mirangal ku king kapamilatan na ning pamagtagumpe ku king ari, karing sundalus na, karing karung panggera na, at karing pakasake kareti.

Exodo 14:4

Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 18:11

Ngeni ku akikilala king ing Ginu maula yang maygit karing sablang dios, uling depatan na iti kanitang ding tau Ehipto teratusan da lang mitmung bigsikan ding Israelita.

Exodo 9:15

Nung pepagpa ke ing gamat ku keka at king balen mu at peparalang salut, pota magisan kayung lubus.

Exodo 9:17

Makanyan man, masias ka pa mu rin a lub at e mo pa mu rin paintulutan mako ding taung pinili ku.

Ding Kasebian 16:4

Ing balang metung karing lelangan na ning Ginu atin yang sariling kapupuntan, oneng ing kararasan na ning taung e mayap ya ing kasiran.

Jeremias 32:20

King milabas a panaun, dinapat kang dakal a milagru at bage pagmulalan karin king Ehipto at angga ngening aldong iti darapat ka pang milagru e mu para king Israel nune karing sablang aliwang bansa, inya pikabaluan ka nukarin mang lugal.

Ezekiel 39:21

Ngana ning Ginu, Ipakit ku karing sablang bansa ing kanakung ligaya at ipakit ku naman karela nung makananu kung gamitan ing kanakung upaya ban ipatupad ing inari ku king lub ku.

Malakias 1:11

Gagalangan da ku ring tau manibat king metung nang suluk ning yatu angga na king sumangid na. Nu man karin duruluk lang insenso para kanaku at miyayain lang karampatan a ain-sakripisyu. Gagalangan da ku ngan!

Malakias 1:14

Dugpa ing sumpa king mapamirait a miyayain kanakung animal a alang kwenta, ngening atin yang animal a alang dipektu karing sese na a pengaku nang ibie kanaku! Uling metung kung aring marangal, at tatakut la kanaku ding sablang tau ning yatu.

Ding Bilang 14:21

Oyni ing tandanan yu: nung makananung aku mabie ku at kakatmuan ing yatu king panga-atyu ku

Roma 9:17

Uling nganang migsalita ning kasulatan king ari ning Ehipto, Gewa da kang ari ba da kang kasangkapanan king pamipakilala ku king kanakung upaya, at king pangahayag na ning kanakung lagyu king mabilug a yatu.

Roma 9:22

Makanyan munaman ing malyari tamung asabi tungkul king dapat na ning Dios. Birian nang ipakilala ing milalablab nang mua at ipakilala ing upaya na. Makanyan man maragul ing kapibabatan na karetang mangaintulid king milalablab nang mua, detang makasadia nang magisan.

Josue 4:24

Inya abalu da ring sabla keti king yatu ing degulan na ning upaya ning Ginu, at ikayu igalang ye ing Ginung kekayung Dios angga king alang kapupusan.

1 Pedro 2:19

Ablasan na kayu ning Dios, nung balu yung pibatan ing kaplas a bunga na ning kasakitan a e yu pangaintuliran, uling aintindian yu ing kaburian na.

1 Pedro 2:8

At sasabian na ning metung pang Kasulatan, Iti ya ing batung makatisud karing tau, iti ya ing batung mabie a makaragsa karela. Metisud la uling e la meniwala king amanu at iti ya ing telaga na ning Dios para karela.

Judas 1:4

Uling ating mapilan a e mayap a tau, ding lihim milub king katipunan tamu a babaligtad da ing turu tungkul king grasya na ning kekatamung Dios ban matuliranan da ing e mayap dang dapat at tatanggian de i Jesu-Cristo, ing bukud mung Maestro at Ginu tamu. Misulat keta pang minunang panaun ing parusa a dugpa kareting e mayap a tau.

1 Samuel 4:8

Makalunus tamu! Ninung magligtas kekatamu king upaya na niting dios a mayupaya? Ya naman iti ing dios a pepagpang miyayaliwang salut karing tau Ehipto karin king disyerto!