Exodo 9:14 - Ing Mayap a Balita Biblia

¹⁴ Oneng ngeni ing parusan ku aliwa mu ding opisyal mu at ding taung sasakupan mu; pati ika parusan ku ban kanita akilala mu king ala kung kalupa king mabilug a yatu.

Exodo 9:14 Iomraidhean Croise

Exodo 8:10

Nganang mekibat ning ari, Ipanalangin mu ku bukas mu rin. Nganang Moises, Daptan ku ing aduan yu at kanita yu akilala king alang aliwang Dios a kalupa na ning Ginung kekaming Dios.

Kapahayagan 22:18

Aku, i Juan, ing babie babala king ninumang makaramdam king ula a makasulat keting libru: ing ninumang mandagdag king laman na niting libru, dagdagan na naman ning Dios ing parusa na karing salut a makasulat keting libru.

Kapahayagan 18:8

Uli na niti, datang la king Babilonia king misan mung aldo ding salut: sakit, lungkut, at danup. At masilab ya king api, uling mayupaya ya ing Ginung Dios a mamatul king Babilonia.

Mikeas 6:13

Inya naman ngeni pegumpisan ku na ing kasiran at ing pangasaldak yu uli da ring kasalanan yu.

Jeremias 19:8

Iparala ku ing anti kaniting makatakut a kasiran keting siudad; masdan ya at mangapamulala ing ninumang daralan.

Jeremias 10:6

Ginu, ala kang kalupa: mayupaya ka, marangal ya at mayupaya ing kekang lagyu.

Isaias 46:9

E yu sa kakalinguan itang mepalyari king milabasan; tanggapan yu king aku mung bukud ing Dios, at ala nang aliwa pang kalupa ku.

Ding Dalit 86:8

Alang dios a kalupa mu, O Ginu; alang mekarapat karing bage a depat mu.

1 Cronica 17:20

O Ginu, ala kang kalupa; malambat mi nang balu king alang Dios subali mu ika.

1 Ari 8:38

pakiramdaman mu sana kanita ing karelang panalangin o ing nanumang aus na ning metung at metung karing memalen mung Israelita king penandit a panamdaman da king pusu ra king mikasala la, at itas da la ring gamat da makayarap keting Templo,

2 Samuel 7:22

Karangal mo, O Ginung Dios! Ala kang kalupa; alang Dios subali mu ika, antimo ing balu mi na.

1 Samuel 4:8

Makalunus tamu! Ninung magligtas kekatamu king upaya na niting dios a mayupaya? Ya naman iti ing dios a pepagpang miyayaliwang salut karing tau Ehipto karin king disyerto!

Levitico 26:28

kanita na mibua ing mua ku kekayu at dagdagan ku na namang pitung besis kabagsik ing kasakitan a ipagpa ku kekayu

Levitico 26:21

Nung isundu yu pa ing pamaglaban yu kanaku at ing pamaglabag karing utus ku, dagdagan ku na namang pitu pang besis ing kasakitan a ipagpa ku kekayu.

Levitico 26:18

Nung kaybat nang merapat niti kekayu, oneng e kayu pa mu rin bisang makiramdam kanaku, dagdagan kung pitung besis ing parusang ipagpa ku kekayu.

Exodo 9:15

Nung pepagpa ke ing gamat ku keka at king balen mu at peparalang salut, pota magisan kayung lubus.

Exodo 15:11

Ginu, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Deuteronomio 3:24

Ngaku, O Ginung Dios, pegumpisan mu nang pepakit kanakung talasuyu mu ing kekang degulan at kayupayan. Alang dios king banua o keti king yatu ing makagawa karing bage makapagmulalang kekang depatan.

Deuteronomio 4:35

Pepakit na iti kekayu ban abalu yu king ing Ginu ya ing bukud a Dios at ala nang aliwa pa.

Isaias 45:5

Aku ing Ginu; ala nang aliwa pang dios subali kaku. Ibie ku keka ing sikanan a kekang kailangan agyamang kaku ala kang kabaluan.

Jeremias 10:7

Ninu ing e mitakutan keka, ika a ari da ring bansa? Sukat lang tumakut keka. Ala kang kalupa karing sablang lalaki rang biasa ding bansa o kenu man karing karelang ari.

Daniel 5:21

Mitabi ya king lipunan at meging anti ing pamisip ning metung a animal ing pamisip na. Menuknangan yang kayabe da ring malyap a asno; mengan yang dikut anti ding baka, at metudtud ya king marangle a alang nanumang panlaban king ambun. King katataulian, tinggap na king ing Kakataskatasan a Dios ya ing magmanehu karing heganaganang kayarian da ring tau, at ya ing babie king ninumang pilinan na.

Exodo 8:6

Inya tinas neng Aaron ing tukud na tulid da ring sablang lugal a ating danum, at linage la ding dakal a tugak at kitmuan de ing mabilug a Ehipto.