Exodo 8:8 - Ing Mayap a Balita Biblia

⁸ Pepayaus na la ning ari di Moises at Aaron. Ngana karela, Pakisabi yu king Ginu king ilako na na la sana deting tugak at paburen ku na lang mako ding kalahi yu ban makaibie lang ain-sakripisyu king Ginu.

Exodo 8:8 Iomraidhean Croise

1 Ari 13:6

Kanita nganang Aring Jeroboam, Dapat a mayap, ipanalangin mu ku king Ginung kekang Dios king misubli ya sa king sadia ing gamat ku! Inya menalangin ya king Dios iting propeta, at misubli ya king sadia ing gamat na ning ari.

Ding Dalit 66:3

Sabian iti king Dios, Tutu lang makapagmulala ding kekang daraptan! Uling maragul ing kekang kayupayan, inya duruku la't gagalgal arapan mu ding kekang kalaban.

Exodo 10:16

Agad-agad na lang pepayaus ning ari di Moises at Aaron. Ngana karela, Mikasala ku king Ginung kekayung Dios at kekayu.

Exodo 10:17

Patawaran yu ku sana kaniting pamikasala ku, at ipanalangin yu king Ginung kekayung Dios ing ilako na na sana iting mabayat a parusa kanaku.

Exodo 10:18

Likuan neng Moises ing ari at menalangin ya king Ginu.

Exodo 14:5

Inyang abalitan na ning ari na ning Ehipto king ikua ra nang mekatakas ding Israelita, ya ampon ding tauan na migbayu la isip. Ngara, Nanu iting depatan tamu? Pepaburen ta lang mekatakas ding Israelita. Ngeni ala ta nang ipus a sumuyu kekatamu!

Exodo 32:11

Oneng menigapu ya i Moises king Ginung keyang Dios. Ngana, Ginu, obat mua ka kaniting sarili mung balen a liwal mu king Ehipto king kapamilatan na ning maragul mung sikanan at upaya?

Exodo 5:2

Ngana karela ning ari, Ninu wari ing Ginung yan? Ba't mo kailangan keng pakiramdaman at paintulutan mako ding Israelita? E ke kakilala yang Ginung sasabian yu at e ku la malyaring paintulutan mako ding Israelita.

Exodo 8:15

Inyang ikit na ning ari king mete na la ding tugak, mesias ne naman a pusu, antimo ing sinabi na na ning Ginu, at e ne naman mebisang makiramdam kari Moises at Aaron.

Exodo 8:29

Mekibat ya i Moises, Kalako ku keti, ipanalangin ku king Ginu king bukas ilako na na la ding lango kekayu, karing opisyal yu, at karing taung sasakupan yu. Oneng e yu na ke sana lilinlangan pasibayu at e yu na la sana sasabatan ding Israelita king paglako ra ban miyain ain-sakripisyu king Ginu.

Exodo 8:32

Agyang king pamikatagun mu ring ita menatili ya pa mu ring masias a pusu ing ari, at pasibayu na lang e peintulutan mako ding Israelita.

Exodo 8:9

Nganang mekibat Moises, Matula kung manalangin para kekayu. Ituldu yu mu ing oras at aku manalangin ku para kekayu, para karing opisyal yu, at para karing memalen yu. Mabating na la kanita kekayu ding tugak at ala nang mitagan nune mu ding king Ilug ning Nilo.

Exodo 9:27

Inya pepayaus na la ning ari di Moises at Aaron. Ngana karela, Wa, ngeni tatanggapan ku king mikasala ku; ing Ginu ya ing atyu king matulid at ing balen ku ampon aku ing atyu king pamagkamali.

Exodo 9:28

Manalangin kayu king Ginu king patuknangan na na sana iting duldul ampon uran-lipat. Pangaku ku king paintulutan da na kayung mako; e na kayu sukat magluat pa.

Exodo 9:33

Likuan neng Moises ing ari at linual ya king siudad. Kaybat, tinas na la ding gamat na at menalangin ya king Ginu. At tinuknang ing duldul, ing uran-lipat ampon ing uran.

Ding Bilang 21:7

Inya lepitan de ring Israelita i Moises at ngara, Moises, mikasala kami king Ginu at keka inyang migsalita kaming laban king Ginu at keka. Aduan mu king Ginu king ilako na la sana deting kamandagan a ubingan. Inya menalangin ya i Moises para karing tau.

Ding Dapat 8:24

Nganang Simon kari Pedro at Juan, Saupan yu ku sanang manalangin king Ginu ban kanita isanu man king sinabi yu e mapalyari kanaku.

1 Samuel 12:19

Kanita ngara ding tau kang Samuel, Maus ka king Ginung kekang Dios para karing kekang talasuyu ban e kami mate, uling digdag mi ya pa karing kekaming kasalanan ing pamaniawad ming ari.