Exodo 8:6 - Ing Mayap a Balita Biblia

⁶ Inya tinas neng Aaron ing tukud na tulid da ring sablang lugal a ating danum, at linage la ding dakal a tugak at kitmuan de ing mabilug a Ehipto.

Exodo 8:6 Iomraidhean Croise

2 Samuel 7:22

Karangal mo, O Ginung Dios! Ala kang kalupa; alang Dios subali mu ika, antimo ing balu mi na.

2 Cronica 6:14

Nganang menalangin, O Ginung Dios ning Israel, alang dios a anti ika king banua o king yatu. Tutuparan mu ing kekang pangaku karing kekang memalen, at papakit mu karela ing lugud mung e kukupas neng mamintu la keka king mabilug dang pusu.

Ding Dalit 105:30

Kaybat kinatmu yang tugak ing karelang bansa, pati palasyu ning ari atin munaman.

Ding Dalit 78:45

Peparala yang dakal a lango ban pasakitan da la ring tau Ehipto; pepalto yang tugak a misna karakal ban marangle karela yang siran.

Ding Dalit 86:8

Alang dios a kalupa mu, O Ginu; alang mekarapat karing bage a depat mu.

Ding Dalit 90:2

Bayu mo pa pepalto ding kabundukan o ing yatung kekang lelangan, ika na ing Dios a alang kayangganan, at Dios ka kapilan man.

Exodo 10:2

at ban akua mung asabi karing anak yu at karing apu yu nung makananu ku lang pepalto mangmang ding tau Ehipto inyang gewa ku la deting bage pagmumulalan; ban akilala yu ngan king aku ing Ginu.

Exodo 15:11

Ginu, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Exodo 7:19

Ngana ning Ginu kang Moises, Sabian mu kang Aaron king kuanan ne ing tukud na at itulid ne karing sablang ilug, karing paligi, at karing paranum king mabilug a Ehipto. Maging daya ing danum; mika daya karing barilis at tapayan king mabilug a Ehipto.

Exodo 9:14

Oneng ngeni ing parusan ku aliwa mu ding opisyal mu at ding taung sasakupan mu; pati ika parusan ku ban kanita akilala mu king ala kung kalupa king mabilug a yatu.

Exodo 9:29

Nganang Moises, Kabud ikua kung mekalual king siudad, itas ku la ding gamat ku at manalangin ku king Ginu. Tuknang ing duldul at mawala na ing uran-lipat ban kanita abalu yu king bandi ne ning Ginu ing yatu.

Isaias 43:10

Memalen ning Israel, ikayu ding kakung testigu; pinili da kayu ban maging kakung talasuyu, ban akilala yu ku at kaku maniwala kayu, at ban kekong aintindian king aku mung bukud ing Dios. Ala nang aliwa pa subali kaku; alang dios a minuna kaku ni datang kaybat ku.

Levitico 11:12

Sukat yang maging kasuklam-suklam kekayu ing nanumang mabibie king danuman a alang palikpik at kaliskis.

Deuteronomio 32:31

Oneng ing kikilalanan dang dios ding kalaban e ne kalupa ning kekatamung Dios. Ing karela maina ya at iti balu ra,

Deuteronomio 33:26

Ala yang kalupa ing Dios, O Israel, saken neng mitmung dangal ing banua at ing biga ban saupan na ka.

Deuteronomio 4:35

Pepakit na iti kekayu ban abalu yu king ing Ginu ya ing bukud a Dios at ala nang aliwa pa.

Kapahayagan 16:13

At ikit ku lang lulual king asbuk na ning dragon, ning animal a mabagsik, at ning e tutung propeta, ding atlung marawak a espiritung balamu tugak.