Exodo 8:4 - Ing Mayap a Balita Biblia

⁴ Paglundagan da ka at ding sasakupan mu ampon ding sabla mung opisyal.

Exodo 8:4 Iomraidhean Croise

1 Ari 13:6

Kanita nganang Aring Jeroboam, Dapat a mayap, ipanalangin mu ku king Ginung kekang Dios king misubli ya sa king sadia ing gamat ku! Inya menalangin ya king Dios iting propeta, at misubli ya king sadia ing gamat na ning ari.

Ding Dalit 107:40

Bignus na ing mua na karing menalipit karela, at karing maleparan a ilang pepaburen na lang melili.

Exodo 10:17

Patawaran yu ku sana kaniting pamikasala ku, at ipanalangin yu king Ginung kekayung Dios ing ilako na na sana iting mabayat a parusa kanaku.

Exodo 8:24

Kabukasan, pepagpa yang pulupulutung a lango ing Ginu king palasyu ning ari at karing bale ra ding tauan na. Mesalanta ya ing kabilugan a Ehipto uli ra ding lango.

Exodo 8:3

Kumatmu ya karing tugak ing Ilug ning Nilo angga king sumaka la deti at miras king palasyu mu, king kuartung pitutudturan mu, king katri mu, karing bale da ring opisyal at bale ding memalen mu, at angga na karing ornu ampon kasangkapan a pigagawan tinape.

Exodo 8:5

Ngana ning Ginu kang Moises, Sabian mu ngeni kang Aaron king itas ne ing tukud na tulid da ring ilug, paligi, at paranum at pasakan na la ding tugak at laganapanan de ing Ehipto.

Exodo 9:28

Manalangin kayu king Ginu king patuknangan na na sana iting duldul ampon uran-lipat. Pangaku ku king paintulutan da na kayung mako; e na kayu sukat magluat pa.

Isaias 19:11

Mangmang la ngan ding manimuna na ning siudad ning Zoan! Babie lang payu a alang kabaldugan ding pekabiasa nang diling lalaki na ning Ehipto. Makananu lang masikan a lub at asabi king ari king ila ding kayalili da ring minunang mangabiasa at ari?

Isaias 19:22

Parusan na la ning Ginu ding memalen na ning Ehipto, oneng kaybat pakayapan na la. Lumapit la king Ginu at pakiramdaman na ing panalangin da at pakayapan na la.

Isaias 23:9

Ing migmunikala kaniti ya ing Ginung Mayupaya! Pinlanu na iti ban angganan na ing karelang pamagmaragul king depat da at pamakarinayan ding parangalan dang memalen.

Daniel 4:37

At ngeni, aku, i Nebucadenesar, pupurian ke, parangalan ke, at paligayan ing Ari ning Banua. Ing heganaganang gagawan na ustu at makatuliran at agyu neng isaldak ing ninumang taung palalu.

Ding Bilang 21:7

Inya lepitan de ring Israelita i Moises at ngara, Moises, mikasala kami king Ginu at keka inyang migsalita kaming laban king Ginu at keka. Aduan mu king Ginu king ilako na la sana deting kamandagan a ubingan. Inya menalangin ya i Moises para karing tau.