Exodo 8:3 - Ing Mayap a Balita Biblia

³ Kumatmu ya karing tugak ing Ilug ning Nilo angga king sumaka la deti at miras king palasyu mu, king kuartung pitutudturan mu, king katri mu, karing bale da ring opisyal at bale ding memalen mu, at angga na karing ornu ampon kasangkapan a pigagawan tinape.

Exodo 8:3 Iomraidhean Croise

2 Cronica 22:11

Oneng i Jeoseba, ing babaing anak ning Aring Joram, lihim neng tinakas i Joas a anak nang Aring Ahazia. Selikut ne ing anak at ing maningat king metung a kuartu ning Templo ban e ne apate Atalia. I Jeoseba kapatad neng Aring Ahazia at asawa neng Jeoiada a pari.

Ding Dalit 105:30

Kaybat kinatmu yang tugak ing karelang bansa, pati palasyu ning ari atin munaman.

Exodo 10:6

Katmuan de ing palasyu mu at ding bale da ring opisyal mu ampon ding sablang taung sasakupan mu. Igitan da ing nanu pa mang kasiran a ikit da ring pipumpunan mu. Inyang asabi na iti, meko ne.

Exodo 12:34

Inya lilan da ring Israelita karing datukanan ing masang alang lebadura; binalut da karing balabal da at saka ra na pisanan.

Exodo 7:11

Pepayaus na la kanita ning ari ding pantas na ampon salamangkeru, at arapat da naman ing anti kanita king kapamilatan ning gelingan da.

Exodo 8:11

Ikayu, ding opisyal yu, at ding memalen yu e yu na la akit pa ding tugak puera mu detang mitagan king Ilug ning Nilo.

Exodo 8:2

Nung e ka mabisa, katmuan keng tugak ing kayarian mu bilang parusa.

Exodo 8:4

Paglundagan da ka at ding sasakupan mu ampon ding sabla mung opisyal.