Exodo 8:26 - Ing Mayap a Balita Biblia

²⁶ Nganang Moises, E malyari keti, uling manamdaman la ding tau Ehipto uli da ring animal a iyain mi king Ginung kekaming Dios kasuklam-suklam la karela. Nung gumamit kaming animal a makatakid karing tau Ehipto king pamiyain mi ketang akakit da pamasibasan da keng batu angga king mangamate kami.

Exodo 8:26 Iomraidhean Croise

Genesis 43:32

Mengan ya i Jose a alang kasulu, at mengan la ding mikakapatad king metung a lamesa. Mengan lang ila-ila munaman ding tau Ehipto; e la mekisulu karing Hebreo uling metung a bage pikakasaman da ing makisulu karela.

Genesis 46:34

sabian yu king ibat na inyang anak kayu manese na kayung baka kalupa da ring pipumpunan yu ba na kayung patuknangan Gosen. Sinabi nang Jose iti uling masusumami la ring tau Ehipto kareng magpastul animal.

2 Ari 23:13

Pepalasak na la naman ding altar a atyu king aslagan ning Jerusalem, dane mauli ning Bunduk da ring Olibo. Pepagawa na la deti ning Aring Solomon para king pamanyamba karing makasumaming idolo na ning diosang i Astarte ning Sidon, para kang Kemos, ing kikilalanan nang dios ning Moab, at para kang Molek, ing kikilalanan nang dios ning Ammon.

Ezra 9:1

Kalabas da reting bage milyari, lepitan da ku ring mapilan karing pamuntuk da ring memalen na ning Israel at ngara kanaku, Ding memalen na ning Israel, ding pari, at ding Levita menugali lang makasumaming anti ding Cananeo, Hiteo, Perezeo, Jebuseo, Ammoneo, Moabita, Ehipto, at Amoreo.

Exodo 3:18

Makiramdam la ding memalen ku king sabian mu karela. Kaybat na nita, ika at ding manimuna ning Israel puntalan ye ing ari ning Ehipto at sabian yu ing anti kanini: Ing Ginu, ing Dios ding Hebreo, pepakit ya kekami. Ngeni ipakisabi ming mayap king paintulutan yu kami sanang maglakbe atlung aldo king disyerto ban makaibie kaming ain-sakripisyu king Ginung kekaming Dios!

Exodo 8:8

Pepayaus na la ning ari di Moises at Aaron. Ngana karela, Pakisabi yu king Ginu king ilako na na la sana deting tugak at paburen ku na lang mako ding kalahi yu ban makaibie lang ain-sakripisyu king Ginu.

Isaias 44:19

Ala yang beluan o tetagan lub ing gagawa karing idolo ban sabian na, Penangab ku ing mapilan a kapirasu ning dutung. Miglutu kung tinape king uling at mignangnang karni at pengan ku. At gewa keng idolo ing aliwang mitagan king dutung. Ngeni, oyni durukuan ke ing kapirasung dutung!