Exodo 8:22 - Ing Mayap a Balita Biblia

²² Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Exodo 8:22 Iomraidhean Croise

Genesis 46:34

sabian yu king ibat na inyang anak kayu manese na kayung baka kalupa da ring pipumpunan yu ba na kayung patuknangan Gosen. Sinabi nang Jose iti uling masusumami la ring tau Ehipto kareng magpastul animal.

Ding Dalit 110:2

Manibat king Zion ing Ginu palawakan na ing gabun a kekang sasakupan; kalaban king kekang kayupayan keka na la ipailalam.

Ding Dalit 74:12

Ika, O Dios, ing ari mi ibat na king kapupurmeruan; ing maralas kekami migligtas.

Exodo 10:23

E la mikakit man ding tau Ehipto at alang mekalual king bale ra kilub ning panaun a ita. Oneng masala king lugal da ring Israelita.

Exodo 12:13

Maging palatandanan ya karing pibalebale yu ing daya karing amba da ring pasbul. Lagpusan da kayu potang akit ku ing daya, at e kayu midame potang pagpa ku ing parusa king bansang Ehipto.

Exodo 19:5

Ngeni, nung makiramdam kayu kanaku at tupad king kanakung kasunduan, ikayu ing maging sarili kung balen. Kanaku ya ing mabilug a yatu, oneng ikayu mung bukud ding taung pinili ku,

Exodo 20:11

Kilub ding anam a aldo, aku, ing Ginung kekayung Dios, lelangan ke ing yatu, ing banua, ding dagat, at ing sablang atyu kareti, oneng pepaynawa ku king kapitung aldo. Iti ing sangkan nung inya aku, ing Ginu, binendisyunan ke ing Aldo ning Sabbath at gewa keng banal.

Exodo 7:17

Ngeni, Makamal a Ari, pasabi na ning Ginu king akilala me nung ninu ya king kapamilatan ning daptan na. Lawan yu, ibarug ke ining tukud a ini king babo ning danum ning ilug at maging daya ing danum.

Exodo 7:5

Abalu da kanita ding tau Ehipto king aku ing Ginu potang ipagpa ku neng mitmung beyatan karela ing gamat ku, at ilual ku la ding Israelita king bansa da.

Exodo 8:10

Nganang mekibat ning ari, Ipanalangin mu ku bukas mu rin. Nganang Moises, Daptan ku ing aduan yu at kanita yu akilala king alang aliwang Dios a kalupa na ning Ginung kekaming Dios.

Exodo 8:21

Nung e mu la paintulutan mako ding taung pinili ku, parusan da ka king kapamilatan na ning pamiparatang kung lango keka, karing opisyal mu, at karing taung sasakupan mu. Kumatmu lang lango ding pibalebale da ring tau Ehipto at mitakpan ya ing gabun kareti.

Exodo 8:23

Palto kung pamiyaliwa karing memalen ku ampon karing memalen mu. Marapat bukas iting bage pagmumulalan.

Exodo 9:26

Bukud mung ing sakup ning Gosen, nung nukarin la manuknangan ding Israelita, ing e na digpanan ning uran-lipat.

Exodo 9:29

Nganang Moises, Kabud ikua kung mekalual king siudad, itas ku la ding gamat ku at manalangin ku king Ginu. Tuknang ing duldul at mawala na ing uran-lipat ban kanita abalu yu king bandi ne ning Ginu ing yatu.

Exodo 9:4

At palto kung pamiyaliwa ra ding animal da ring Israelita ampon ding karing tau Ehipto. Alang bitasang mate karing sese rang animal ding Israelita.

Exodo 9:6

Kabukasan, depatan ning Ginu itang sinabi na, at mete la ngan ding sablang animal da ring tau Ehipto, oneng alang mete metung man karing animal da ring Israelita.

Ezekiel 30:19

Potang parusan ke ing Ehipto king anti kaniting paralan, akilala ra kanita king aku ing Ginu.

Malakias 3:18

Pasibayu rang akit ding taung kanakung pinili ing pamiyaliwa na ning bage mapalyari king taung mayap ampon king taung e mayap, king taung susuyu kanaku ampon king taung e susuyu kanaku.