Exodo 8:21 - Ing Mayap a Balita Biblia

²¹ Nung e mu la paintulutan mako ding taung pinili ku, parusan da ka king kapamilatan na ning pamiparatang kung lango keka, karing opisyal mu, at karing taung sasakupan mu. Kumatmu lang lango ding pibalebale da ring tau Ehipto at mitakpan ya ing gabun kareti.

Exodo 8:21 Iomraidhean Croise

Ding Dalit 105:31

Migsalita ya at ding lango ampon amuk linto la nukarin mang suluk.

Ding Dalit 78:45

Peparala yang dakal a lango ban pasakitan da la ring tau Ehipto; pepalto yang tugak a misna karakal ban marangle karela yang siran.

Exodo 10:6

Katmuan de ing palasyu mu at ding bale da ring opisyal mu ampon ding sablang taung sasakupan mu. Igitan da ing nanu pa mang kasiran a ikit da ring pipumpunan mu. Inyang asabi na iti, meko ne.

Exodo 8:20

Ngana ning Ginu kang Moises, Makikit ka bukas abak a maranun king ari potang dulung ya king ilug at sabian mu king ing Ginu pasabi na ing anti kaniti: Paburen mu na lang mako ding memalen ku ban makasamba la kanaku.

Exodo 8:22

Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Exodo 8:24

Kabukasan, pepagpa yang pulupulutung a lango ing Ginu king palasyu ning ari at karing bale ra ding tauan na. Mesalanta ya ing kabilugan a Ehipto uli ra ding lango.

Isaias 7:18

Potang datang ne ing aldong ita, masuit ya ing Ginu anting tanda karing tau Ehipto ban lumapit lang anting lango a manibatan karing pekamarayu nang dake ning Ilug ning Nilo. Datang la namang anting tamumu ding tau Asiria.