Exodo 8:18 - Ing Mayap a Balita Biblia

¹⁸ Buri dang gamitan ding salamangkeru ing gelingan da ban palto la namang niknik, oneng mebigu la. Atyu la ding niknik nukarin mang lugal.

Exodo 8:18 Iomraidhean Croise

Genesis 41:8

E ya mipaindatun itang kayabakan. Pepatubud ya at pepayaus na la ring sablang salamangkeru at ding taung mangabiasa ning Ehipto. Kinwentu na la ning ari karela ding apaninap na, oneng ala metung man karela ing mekaibie kabaldugan karing peninap na.

Exodo 10:23

E la mikakit man ding tau Ehipto at alang mekalual king bale ra kilub ning panaun a ita. Oneng masala king lugal da ring Israelita.

Exodo 7:11

Pepayaus na la kanita ning ari ding pantas na ampon salamangkeru, at arapat da naman ing anti kanita king kapamilatan ning gelingan da.

Exodo 7:12

Inatsa da la naman ding tukud da, at meging ubingan la. Oneng inakmul na la ngan deti nitang kang Aaron.

Exodo 8:7

Oneng ginamit da ring salamangkeru ing gelingan da at mekapalto la namang tugak.

Exodo 9:11

E ra ikuang miratang ding salamangkeru king arapan nang Moises uling mika tigsa la namang kalupa ra ding sablang tau Ehipto.

Isaias 19:12

Ari na ning Ehipto, nu la karin detang mangabiasa mung tagapayu? Mekad asabi ra keka nung nanu la ding planu na ning Ginung Mayupaya para king Ehipto.

Daniel 4:7

Kanita dinatang la ding mamamanula at salamangkeru, ding mangabiasa ampon astrologo, at sinabi ke karela ing apaninap ku, oneng e re balung dinan kabaldugan kanaku.

Daniel 5:8

Linapit la ding mangabiasa na ning ari, oneng metung man karela alang mekabasa king makasulat king pader ni mekaibie king ari nung nanu ing kabaldugan na.

Lucas 10:18

Nganang Jesus karela, Ikit ke i Satanas a antimong kildap a menakbag ibat banua.