Exodo 8:16 - Ing Mayap a Balita Biblia

¹⁶ Ngana ning Ginu kang Moises, Sabian mu kang Aaron king ibarug ne king gabun ing tukud na at maging niknik ing alikabuk king mabilug a Ehipto.

Exodo 8:16 Iomraidhean Croise

Ding Dalit 105:31

Migsalita ya at ding lango ampon amuk linto la nukarin mang suluk.

Exodo 4:23

Sinabi ku na keka king paintulutan meng mako ing anak ku ban kanita asamban na ku, oneng e ka mebisa. Ngeni paten ke ing anak mung lalaking pangane.

Exodo 5:1

Kaybat na nita, minta ya i Moises at i Aaron king ari ning Ehipto. Ngara, Ing Ginu, ing Dios ning Israel, pasabi na keka ing paintulutan mu lang mako ding memalen na ban malyari lang magpiesta king disyerto bilang parangal king Dios.

Exodo 8:15

Inyang ikit na ning ari king mete na la ding tugak, mesias ne naman a pusu, antimo ing sinabi na na ning Ginu, at e ne naman mebisang makiramdam kari Moises at Aaron.

Exodo 8:17

Inya berug neng Aaron king gabun ing tukud na, at meging niknik ing heganaganang alikabuk ning Ehipto, at digpanan da la ngan ding tau ampon ding animal.

Exodo 8:18

Buri dang gamitan ding salamangkeru ing gelingan da ban palto la namang niknik, oneng mebigu la. Atyu la ding niknik nukarin mang lugal.

Exodo 8:5

Ngana ning Ginu kang Moises, Sabian mu ngeni kang Aaron king itas ne ing tukud na tulid da ring ilug, paligi, at paranum at pasakan na la ding tugak at laganapanan de ing Ehipto.