Exodo 8:14 - Ing Mayap a Balita Biblia

¹⁴ Tinipun da la reti ding tau Ehipto karing mangaragul a tumpuk angga king mikalat ing buluk da king mabilug a lugal a ita.

Exodo 8:14 Iomraidhean Croise

1 Ari 18:26

Kinua re ing torong miyabie karela; sidia re iti, at kaybat menalangin la kang Baal manibat king abak angga na itang kaugtuan aldo. Ngara, Pakibatan mu kami, O Baal!, at terak-terak la king paligid na ning altar a gewa ra. Oneng ala lang tinggap a pakibat.

1 Ari 18:29

Milabas ing gatpanapun king karelang pamangulisak angga king dinatang ing oras ning pamanain, oneng ala mu ring bitasang meramdam a siwala o pakibat.

Exodo 7:21

Mete la ding asan king ilug at mebantut ya ing ilug angga king e na la makainum kaniti ding tau Ehipto. Mika daya king mabilug a Ehipto.

Exodo 8:13

Depatan na ning Ginu itang inawad nang Moises, at mete la ding tugak karing bale, karing mulahan, at marangle.

Exodo 8:15

Inyang ikit na ning ari king mete na la ding tugak, mesias ne naman a pusu, antimo ing sinabi na na ning Ginu, at e ne naman mebisang makiramdam kari Moises at Aaron.

Exodo 8:24

Kabukasan, pepagpa yang pulupulutung a lango ing Ginu king palasyu ning ari at karing bale ra ding tauan na. Mesalanta ya ing kabilugan a Ehipto uli ra ding lango.

Exodo 9:11

E ra ikuang miratang ding salamangkeru king arapan nang Moises uling mika tigsa la namang kalupa ra ding sablang tau Ehipto.

Isaias 19:11

Mangmang la ngan ding manimuna na ning siudad ning Zoan! Babie lang payu a alang kabaldugan ding pekabiasa nang diling lalaki na ning Ehipto. Makananu lang masikan a lub at asabi king ari king ila ding kayalili da ring minunang mangabiasa at ari?

Isaias 34:2

Mua ya ing Ginu karing sablang bansa at karing sabla rang sundalung pakasandata. Sildak na ne ing atul a kamatayan.

Ezekiel 39:11

Ngana ning Ginu, Potang mapalyari na iting sabla, dinan keng pikutkutan i Gog karin king Israel, king Kapatagan da ring Maglakbe, dane nang aslagan ning Dagat a Mete. I Gog at ding sablang sundalus na karin la mikutkut at ing kapatagan mayaus yang Ing Kapatagan da ring Sundalus nang Gog.

Joel 2:20

Ding dakal a durun a ibat king norti ilako ku na la, at ding mapilan kareti king ilang ku la itabi. Ding mumuna rang pulutung mitabi la king Dagat a Mete, ing pulutung dang makatauli king Mediteraneo ku no man itabi. Muluk la ding mete rang katawan. Kaku lang paten uli ning sablang keko ra depatan.